Açiq mənbələrdən foto.
Bakı/24.10.23/Turan: Beynəlxalq Qırmızı Xaç Komitəsinin əməkdaşları Azərbaycan Dövlət Təhlükəsizliyi Xidmətində həbsdə olan qarabağlı separatçıların liderlərinə baş çəkiblər. Bu barədə Turan-a Komitənin Bakı ofisinin nümayəndəsi İlahə Hüseynova bildirib.
Onun sözlərinə görə, həbs edilənlərlə təkbətək görüşlər keçirilib və ailələrilə ünsiyyətə imkan yaradılıb.
Xatırladaq ki, sentyabrın 19-20-də Qarabağda antiterror əməliyyatından sonra Qarabağın keçmiş "prezidentləri" Arkadi Qukasyan, Bako Saakyan, Araik Arutyunyan, keçmiş "xarici işlər naziri" David Babayan, "parlamentin spikeri" David İşxanyan, Qarabağ ordusunun keçmiş komandanı Leva Mnatsakanyan və onun müavini David Manukyan, həmçinin keçmiş "dövlət naziri" Ruben Vardanyan həbs edilərək Bakıya gətiriliblər.
Həmin şəxlər dövlət əleyhinə cinayətlərdə ittiham olunurlar. Onlara qarşı Azərbaycan Cinayət Məcəlləsinin bir çox maddələrilə cinayət işləri başlanılıb. 02D
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz