![Azərbaycanda çoban minaya düşərək həlak olub](https://turan.az/resized/news/2024/pZKK58DQKoS4HBsXzKfhenCLh180drWZ14yNkcTP-750-500-resize.webp)
Azərbaycanda çoban minaya düşərək həlak olub
Azərbaycanda çoban minaya düşərək həlak olub
Tərtər rayonunda çoban minaya düşərək həlak olub.
Hadisə Tərtər rayonunun Həsənqaya kəndi ərazisində qoşunların keçmiş təmas xəttinin yaxınlığında baş verib. Bu barədə Azərbaycan Baş Prokurorluğu, Daxili İşlər Nazirliyi və Minatəmizləmə Agentliyinin birgə məlumatında deyilir.
Arzu Nəcəf oğlu Hacıyev (1965-ci ildə anadan olub) heyvan otararkən minaya düşüb. Aldığı xəsarətlərdən hadisə yerində həyatını itirib.
Faktla bağlı Tərtər Rayon Prokurorluğunda araşdırma aparılır, məlumatda deyilir.
Baş Prokurorluq, Daxili İşlər Nazirliyi və Minatəmizləmə Agentliyi vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa və bələd olmadıqları ərazilərə daxil olmamağa çağırıblar.
Rəsmi məlumatlara görə, 2020-ci ildə 44 günlük müharibə başa çatdıqdan sonra mina və hərbi sursat partlayışları nəticəsində 361 nəfər Azərbaycan vətəndaşı yaralanıb. 68 nəfər ölüb, 293 nəfər xəsarət alıb. Ölənlərin arasında 53 mülki şəxs və 15 hərbçi var.
-
- Siyasət
- 21 May 2024 15:56
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz