Azərbaycanda dini mərasimlər İranın təsiri altındadır?

Martın 7-də Qafqaz Müsəlmanları İdarəsinin (QMİ) Qazılar Şurası Azərbaycanda Ramazan ayının başlaması ilə bağlı fətva verib.

Fətvada Ramazan ayında gündəlik imsak və iftar vaxtları müəyyən edilib.

Qədr gecələri martın 28-i, 30-u, aprlein 1-i və 5-nə düşür (bu günlərdən birində Quran nazil olub).

Bu günlərdə inanclı şəxslər məscidlərə gedirlər və səhərə qədər dua edirlər. Lakin dünən dindarlar cəmi iki məscidə - mərkəzi Təzə Pir məscidinə və paytaxtın tarixi mərkəzindəki kiçik məscidə - "Cümə" məscidinə gediblər.

QMİ məscidlərdə dindarların olmamasının səbəbini aydın şəkildə izah edə bilməyib. Lakin bir çox dindarlar Turan-ın müxbirinə bildiriblər ki, məscidlərə bu gecə gedəcəklər, çünki "Xamenei belə deyib".

Azərbaycanda İranın dini liderinin fikrinin niyə ölkənin öz dini liderinin fikrindən daha vacib olduğu aydın deyil.

Demək olar ki, hər il Ramazan başa çatdığı gün də bənzər vəziyyət yaranır, dindarlar xarici ölkələrin dini liderlərinin fikirlərini və onların müəyyən etdiyi müddətləri əsas götürürlər.

* Bütün Ramazan ayı boyunca günəş doğduqdan batana qədər müsəlmanlar oruc tutur - gündüz vaxtı yemək-içməkdən imtina edir.

Ramazanın başa çatması "əl-Fitr" bayramı ilə qeyd edilir. Həmin gün bayram süfrələri açılır, qohum-qonşulara (dini inancından asılı olmayaraq) qonaqlıq verilir. Fitrə vermək Ramazanın məcburi şərtidir. Eyni zamanda, bayram günlərində qohumların qəbirləri ziyarət olunur.