Bakı/13.06.19/Turan: Azərbaycan hakimlərin sayına görə orta Avropa göstəricilərindən xeyli geridə qalır. Belə ki, Azərbaycanda hər 100 min nəfərə 6 hakim düşür, bu da Avropa ölkələrinin orta göstəricisindən 3 dəfə azdır, bu barədə bu gün ədliyyə nazirinin müavini Toğrul Musayev Azərbaycan-Aİ biznes forumunda bildirib.
Onun sözlərinə görə, hazırda Azərbaycanda bütün instansiya ümumi və ixtisaslaşmış məhkəmələrin 600 hakimi var. Hakimlərin sayının kifayət qədər olmaması məhkəmələrin əlçatanlığını çətinləşdirir, deyə Musayev bildirib. Bununla əlaqədar yaxın gələcəkdə hakimlərin sayını 200 nəfər artıraraq, 800 nəfərə çatdırmaq planlaşdırılır. Bu, Azərbaycan prezidentinin bu yaxınlarda imzaladığı "Məhkəmə-hüquq sistemində islahatların dərinləşdirilməsi haqqında" fərmanda nəzərdə tutulub, deyə nazir müavini xatırladıb. -06D-
Cəmiyyət
-
Azərbaycana İrandan gətirilən bəzi şirniyyatlarda GMO (genetik materialı dəyişdirilmiş orqanizmlərə verilən addır) aşkarlanıb. "Qida təhlükəsizliyi haqqında" Qanuna görə, qeydiyyatdan keçməyən genetik modifikasiya olunmuş yem məhsullarının istehsalı, emalı, dövriyyəsi qadağandır. Qeydiyyata alınması üçün həmin məhsullar həyat və sağlamlığa zərərli olmamalı, istehlak xüsusiyyətləri ilə bağlı istifadəçilər aldadılmamalıdırlar.
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
Rəy yaz