Açiq mənbələrdən foto.
Bakı/28.12.21/Turan: Bu günədək Azərbaycanda "omikron" ştamına yoluxma halı qeydə alınmayıb. Bu barədə səhiyyə naziri vəzifəsini müvəqqəti icra edən Teymur Musayev Nazirlər Kabineti yanında Operativ Qərargahın bu gün, dekabrın 28-də keçirilən brifinqində bildirib.
Onun sözlərinə görə, “Omikron"la bağlı vəziyyət diqqət mərkəzindədir.
Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva isə bildirib ki, hazırda ölkədə epidemioloji vəziyyət stabildir, koronavirusa yoluxma göstəricisi aşağı enib.
Onun sözlərinə görə, son dəfə bu ilin noyabrın əvvəlində yoluxma sayında artım qeydə alınıb.
“Həmin dövrdə yoluxma faizi 21-ə çatmışdı. Ölkədə vaksinasiya strategiyası başlayandan bu günə qədər vaksinasiya təsiri altında heç bir qapanmalara getmədik”, deyə Qarayeva qeyd edib.
Azərbaycan prezidentinin köməkçisi Şahmar Mövsümovun sözlərinə görə, gələn il fevralın 15-dən sonra vaxtı keçmiş COVID-19 pasportu ilə qapalı məkanlara giriş qadağan ediləcək. Xatırladaq ki, COVİD-19 pasportunun müddəti 6 aydır.
Səhiyyə naziri vəzifəsini müvəqqəti icra edən Teymur Musayev deyib ki, Azərbaycanda hazırda Türkiyə istehsalı olan TURKOVAC vaksininin üçüncü faza sınaqları gedir.
“Vaksinlə bağlı rəsmi sənədləşmə bitib və Azərbaycana təqdim olunub. Vaksinin üçüncü fazada təsdiqinə müsbət rəy verilib”, deyə o qeyd edib. -03-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz