![Vladimir Putin.](https://turan.az/resized/media/2021/main/122800043003-750-500-resize.webp)
Vladimir Putin.
Putin MDB-nin yaradılmasını əsaslı addım adlandırıb
Bakı/28.12.21/Turan: Müstəqil Dövlətlər Birliyinin yaradılması əsaslı addım idi, bu barədə Vladimir Putin MDB-nin qeyri-formal sammitində bildirib.
RİA Novosti-nin məlumatına görə, dövlət başçısı ötən onilliklər ərzində bir çox əsaslı dəyişikliklərin baş verdiyini, amma hələ SSRİ dövründə qazanılmış əlaqələrin birlik üzvlərinin mürəkkəb mərhələlərdən digər ölkələrdən daha yaxşı keçməsinə kömək etdiyini vurğulayıb.
"Biz Rusiyada bu münasibətləri dəstəkləmişik və gələcəkdə də dəstəkləmək niyyətindəyik. Amma hazırki rejimdə toplanmağımıza səbəb olan, dərin müzakirə tələb edən əsas mövzulardan biri bizim koronavirus infeksiyası pandemiyasına qarşı ümumi mübarizəmizdir", deyə Putin əlavə edib.
MDB ölkə başçılarının ənənəvi qeyri-formal görüşü Peterburqda Rusiya liderinin təşəbbüsü ilə keçirilir. Görüşdə Ermənistan baş naziri Nikol Paşinyan, prezidentlər İlham Əliyev (Azərbaycan), Aleksandr Lukaşenko (Belarus), Kasım-Jomart Tokayev (Qazaxıstan), Sadır Japarov (Qırğızıstan), Emomali Rahmon (Tacikistan), Qurbanqulı Berdıməhəmmədov (Türkmənistan), Şavkat Mirziyeyev (Özbəkistan) və Qazaxıstan prezidenti Nursultan Nazarbayev iştirak edirlər.
Müstəqil Dövlətlər Birliyinin yaradılması haqqında sazişi Rusiya, Ukrayna və Belarus liderləri 8 dekabr 1991-ci il tarixində imzalayıblar. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz