Azərbaycanda qar yağıb, şaxta olub, güclü külək əsib (YENİLƏNİB)

Martın 30-da havanın temperaturu iqlim normasından 6 dərəcə aşağı olub, ölkə ərazisində qar yağıb. Temperatur Bakıda və Abşeron yarımadasında 1-4, aran rayonlarında 0-6 dərəcə isti olub, dağlıq rayonlarda 3-10 dərəcə şaxta müşahidə olunub.

Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, martın 30-da ölkə ərazisində hava şəraiti kəskin dəyişib, sulu qar, qar yağıb. Bəzi rayonlarda yağıntı intensiv olub, güclü şimal-qərb küləyi əsib.

Qar örtüyünün hündürlüyü Sarıbaşda (Qax) 42, Xınalıqda 30, Kişçayda 26, Daşkəsən, Göygöldə 22 , Ordubadda 21, Qubada 18, Lerikdə 16, Yardımlıda 14, Rvarud (Lerik), Altıağacda 13, Şəki, Kəlvəzdə 12 , Zaqatalada 11, Naxçıvanda 10, Ağdərədə 8, Şahbuzda 6, Qəbələdə 5, İsmayıllıda 4, Şərurda 3, Biləsuvarda 2, Salyan, Göytəpə, Bakıda 1 sm. olub. -03D-

2014 Mart 30 (Bazar) 20:42:29

Bazar günü günün ikinci yarısında Bakıda başlamış qar yağışlı güclü külək evlərin damlarını uçurub və ağacları qırıb. Paytaxtda 30-a yaxın belə hadisə qeydə alınıb.

Qeyri-rəsmi məlumatlara görə, paytaxtın Nəsimi rayonunda özəl evin qırılmış damı bir nəfərə xəsarət verib. Paytaxtın Yasamal rayonunda yağan iri dolu avtomaşınlara ziyan vurub, bəzi yerlərdə şüşələri qırıb.

Dağ rayonlarında qar örtüyünün qalınlığı 20-30 sm. catıb.

Ağsu və digər aşırımlarda naqliyyatın hərəkəti cətinləşib.

 Son proqnozlara əsasen, bazar ertəsi də pis hava şəraiti davam edəcək, lakin külək zeifləyəcək, yağıntı azalacaq. -0-