Siyasi Məhbusların Monitorinqi Mərkəzi siyasi məhbuslara dair öz siyahısını Əfv Komissiyasına təqdim edib.
Mərkəzin rəhbəri Elşən Həsənov bildirib ki, 2015-ci ilin sonlarında vətəndaş cəmiyyəti fəallarının tərtib etdiyi vahid siyahıdakı 93 nəfərdən başqa siyahıya bir neçə nəfər də əlavə olunub.
Siyahıda Leyla və Arif Yunuslar da var. Belə ki, onlar həbsdən azad edilsələr, şərti cəza alsalar da məhkum sayılırlar.
Bundan əlavə, “Müsəlman Birliyi” Hərəkatının lideri Taleh Bağırzadə və Nardaran hadisələrinə görə həbs olunan 9 nəfər – Baləli Hümbətov, Sərdar Bünyatov, Əli Nuriyev, Əlibala Vəliyev, Cabbar Nuriyev, Əli Hüseynov, Mehman Quliyev, İbrahim Xudaverdiyev və Rasim Bünyatov siyahıya daxil edilib.
Onlar ağır cinayətlər törətməkdə, konstitusiya quruluşunu dəyişdirməyə cəhddə ittiham olunurlar.
Onların siyasi məhbuslar siyahısına daxil edilməsi istintaqın şəffaf olmaması, işgəncələr və digər hüquqlarının pozulması ilə əlaqədardır.
Siyahıya həmçinin “Hüseyniyə” məscidinin (Nardaran piri yanında) Nuhbala Rəhimov (qanunsuz silah saxlamaqda ittiham olunur), Salyanda dövlətə xəyanət ittihamı ilə həbs edilən İslam Partiyası sədrinin keçmiş müavini İnqilab Əsədli daxildir.
Beləliklə, siyasi məhbusların sayı 107 nəfər təşkil edib.
*Siyasi Məhbusların Monitorinqi Mərkəzi 2014-cü ilin oktyabrında keçmiş “vicdan məhbusu” Elşən Həsənovun rəhbərliyi ilə bir qrup “keçmiş vicdan” məhbusu tərəfindən yaradılıb. —06D--
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz