Gürcüstanın katolikosu II İliya Azərbaycan hakimiyyətinə müraciət edərək keşiş Pyotr Xumaraşvilinin Azərbaycan ərazisində gürcü mənşəli milli azlıqların – ingiloyların yaşadığı Qaxda Müqəddəs Georgi məbədində kilsə ibadətlərini yerinə yetirə bilməsi üçün ona vətəndaşlıq verilməsinə çağırıb.
Gürcüstan Patriarxlığının məlumatında deyilir ki, II İliya hələ 4 ay öncə Azərbaycan prezidenti İlham Əliyevə müraciət edib.
Müsbət cavab aldıqdan sonra və Azərbaycanın Dini Qurumlarla İş üzrə Dövlət Komitəsinin razılığı ilə Qaxdakı Müqəddəs Georgi məbədində ibadət bərpa edilib.
2015-ci il iyunun 21-dən sonra cəmi iki ibadət həyata keçirilib: 2015-ci il 28 avqust və 2016-cı il yanvarın 27-də.
Hazırda Qax rayonunda dini ibadətlər dayandırılıb. Müqəddəs Georgi məbədinin əvvəlki baş keşişi Dmitri Tetruaşvili ata və Basili atanın Azərbaycan ərazisində ibadəti davam etdirməsindən müxtəlif bəhanələrlə imtina olunub.
Xatırladaq ki, bundan öncə Azərbaycan hakimiyyəti iki gürcü keşişi ölkə ərazisində qanunsuz dini fəaliyyətdə ittiham edərək onların mərasim keçirməsini qadağan etmişdi.
* İngiloyların təxminən dörddə üçü müsəlman (sünni), dörddə biri provaslav xristianlarıdır. Onların çoxu özlərini ingiloy mənşəli gürcü adlandırırlar. Onların sıx yaşadığı yerlər Əliabad qəsəbəsi, Mosul kəndi (Zaqatala rayonu), Qaxingiloy qəsəbəsi, Əlibəy kəndidir (Qax).
İngiloyların (etnogenez) mənşəyi indiyədək araşdırmaçılar arasında mübahisəyə səbəb olur və bununla bağlı vahid fikir yoxdur.-02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz