Azərbaycanda təhsilin inkişafı üzrə Dövlət Strategiyası təsdiqlənib

Dövlət başçısı "Azərbaycan Respublikasında təhsilin inkişafı üzrə Dövlət Strategiyası"nı təsdiqləyib. 

Məqsəd yeni texnologiyalar əsasında səlahiyyətli kadrların hazırlanması üzrə qabaqcıl təhsil sisteminin yaradılmasıdır. Əsas məqam “təhsilin idarə olunmasında şəffaf və effektiv sistemin yaradılmasıdır”.

Strategiya 12 illik ümumi təhsilə keçilməsini nəzərdə turur. Bunun 10 ili icbari orta təhsil, iki ili tam orta təhsil olacaq. 

İcbari məktəbəqədər təhsilin (1 illik) tətbiqi, uşaqların 90%-nin məktəbəqədər təhsilə cəlb olunması nəzərdə tutulur.

Ali və orta xüsusi təhsil müəssisələrinə qəbulun təkmilləşdirilməsi, o cümlədən yalnız ixtisaslar üzrə dövlət sifarişinin müəyyən edilməsi nəzərdə tutulur.

Təhsil müəssisələrinə idarəçilik, akademik, maliyyə və təşkilati muxtariyyatın verilməsi nəzərdə tutulur.

Əlaqədar tərəflərin iştirakı ilə təhsilin dövlət-ictimai xarakteri (Valideyn-müəllim Assosiasiyası, İcra şurası, Himayədarlar Şurası və s.) təmin ediləcək.

Təhsilin maliyyələşdirilməsi mərhələli şəkildə ÜDM-in 5-6%-dək artırılacaq.

Nazirlər Kabinetinə tapşırılıb ki, təhsil strategiyasının reallaşması üzrə fəaliyyət planını 5 ay müddətində hazırlasın.

Bundan əlavə, hökumətə tapşırılıb ki, hər il martın 1-dək strategiyanın reallaşmasının gedişi barədə prezidentə hesabat verilsin. –06D-