Azərbaycanda vaxt xaosu

Azərbaycan hökumətinin yay vaxtına keçməsindən imtina etməsi martın 27-də ölkədə vaxt qarışıqlığı yaradıb. Beynəlxalq Vaxt (Zaman) Əlaqələndirməsi standartına bağlı olan bütün elektron vasitə və sistemlər vaxtı avtomatok olaraq bir saat irəli çəkiblər.

Azərsell mobil operatoru abonentlərə müraciət edərək vaxtı müəyyən etmək üçün saatları “əl ilə” nizamlamağa çağırıb, belə ki, şirkət vaxtın avtomatik müəyyən olunması beynəlxalq sisteminə bağlı saatların vaxtının dəyişdirilməsi mexanizminə təsir etmək gücündə olmadığını bildirib.  

Azərbaycan Nazirlər Kabineti 2016-cı il martın 17-də elə bu qurumun 1997-ci il martın 17-də yay vaxtına keçidlə bağlı qərarının ləğvi haqda qərar verib.Özü də NK-i qərarın ləğvinə səbəb kimi insan sağlamlığına qayğı kimi götərərək vaxt xaosunun qarşısını almaq üçün hər hansı qabaqlayıcı tədbir görməyib.  

“Turan”ın araşdırması isə göstərdi ki, yay vaxtına keçiddən imtina Avtoidman Beynəlxalq Federasiyası tərəfindən “sırın”ıb. Belə ki, Bakıda “Formula-1”in təşkilatçıları bu oyunların start və final oyunlarının Fransanın Lemana şəhərində keçirilən “24 saat” yarışması ilə vaxt baxımından üst-üstə düşməsini istəmir. Bunun üşün Fransa adi qayda olaraq yay vaxtına keçdi. Azərbaycan isə yay vaxtına keçiddən imtina etdi.

 “Turan” problemin həlli üçün  kompüterlərin “avtomatik saat zolağı”nı fəaliyyətsiz hala gətirməyi məsləhət görür.  

         Mobil telefonlarda isə aşağıdakı əməliyyatları etsinlər:

1.     “avtomatik saat zolağı”nı fəaliyyətsiz hala gətirsinlər

2.     “avtomatik tarix və vaxt”ı aktivləşdirsinlər

3.     Saatları “Tbilisi” vaxtina qursunlar

O zaman hər şey qaydasında olacaq.