Martın 27-də Ermənistan Silahlı Qüvvələrinin bölmələri Qazax rayonu (Bakıdan 500 kilometr qərb) ərazisində Azərbaycanın dövlət sərhədini pozaraq ölkənin ərazisinə soxulmağa cəhd göstərib. Bu barədə Azərbaycan Müdafiə Nazirliyinin nətbuat xidməti məlumat yayıb.
Məlumatda deyilir ki, Azərbaycan Ordusunun bu istiqamətdə yerləşən bölmələri dövlət sərhədinin pozulmasının qarşısının alınması məqsədilə müvafiq tədbirlər həyata keçirib.
Mətbuat xidməti erməni tərəfinin o itkilərə məruz qaldığnı və geri çəkilməyə məcbur edildiyini bildirir. Döyüş toqquşmasında Azərbaycan Silahlı Qüvvələrinin zabiti Qalib Zülfüqarlı və əsgər Qəfərli Hacıyev həlak olub.
Müdafiə nazirinin əmri ilə hər iki hərbi qulluqçu ölümündən sonra "Hərbi xidmətdə fərqlənməyə görə" 3-cü dərəcəli medalı ilə təltif edilib.
Azərbaycan Müdafiə Nazirliyi bildirir ki, həmin istiqamətdə əməliyyat şəraiti qoşunlarımızın tam nəzarəti altındadır. “Azərbaycan tərəfi bütün beynəlxalq təşkilatları növbəti dəfə ermənilərin təxribatlarını qınayaraq baş verənlərə müvafiq qiymət verməyə çağırır”, deyə nazirlik qeyd edir.
Rəsmi Yerevan sərhəddə baş verənlərlə bağlı məlumat yaymayıb. Ermənistan mediası rəsmi mənbələrə istinadən yalnız martın 26-da Azərbaycanın dövlət sərhədinin Qazax rayonu istiqamətinə yaxın ərazidə Ermənistan Ordusunun bir hərbçisinin yaralandığı barədə məlumat yayıb.
Xatırladaq ki, son günlər cəbhə xəttində yenidən vəziyyət gərginləşib. Bir gün öncə də qoşunlar arasında döyüş toqquşması haqqında məlumatlar yayılıb. Hər iki tərəfin itkiləri olub. -03D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz