Martın 27-də saat 00.00 radələrində Bakının Səbail rayonunda 20-ci sahə adlanan ərazidə və Bayıl yamacında güclü partlayış səsi eşidilib. Partlayış səsi bir dəfə olub və o qədər güclü olub ki, hətta bəzi evlər silkələnib.
Şahidlərdən biri Turan-a bildirib ki, cəmi bir partlayış səsi eşidib. “Biz əvvəl elə bildik ki, yaxınlıqdakı böyük qaya partladı. Səs elə güclü oldu ki, sakinlərin hamısı evdən bayıra qaçdı. Səs bir dəfə oldu və sonra dərhal kəsildi”, deyə 20-ci sahədə yaşayan sakin Roza Əsgərova Turan-a bildirib.
Fövqəladə Hallar Nazirliyinin mətbuat xidmətindən Turan-a nazirliyə partlayışla bağlı məlumatın daxil olmadığını bildiriblər.
Respublika Seysmoloji Xidmət Mərkəzinin baş direktoru Qurban Yetirmişli mərkəzin stansiyasının titrəyişi qeydə aldığını bildirib. Amma o titrəmənin zəlzələ nəticəsində olmadığını bildirib.
Maraqlıdır ki, rəsmi dövlət qurumları partlayışın harada baş verdiyi və səbəbləri barədə ictimaiyyətə hələ məlumat verməyib. -03B-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz