Azərbaycanın “Cənub qaz dəhlizi” şirkəti 10 il müddətinə 1 milyard dollar həcmində avroistiqrazların ilkin yerləşdirilməsini həyata keçirib, - deyə “Global Capital” agentliyi bildirib.
Kağızlar nominalın 99,112%-i ilə və 6,875% kupon dərəcəsi ilə satılıb.
Tələbatı əsasən ABŞ (46%) və Böyük Britaniya (43%) şirkətləri təmin edib.
Yerləşdirmə “Şahdəniz 2”nin işlənməsi, Cənubi Qafqaz Qaz Boru Kəməri, Trans-Anadolu Qaz Kəməri (TANAP) və Trans-Adriatik Boru Kəməri (TAP) üçün nəzərdə tutulub.
Azərbaycan hökuməti 10-16 martda London, Nyu-York və Bostonda “Cənub qaz dəhlizi” üçün istiqrazların roadshow-u keçirib.
Nazirlər Kabinetinin 7 mart 2016-cı il tarixli qərarı ilə Citi Bank, UniCredit və JP Morgan-a səhmlərin yerləşdirilməsi səlahiyyəti verilib. Lazard FreresSAS şirkəti isə Azərbaycan tərəfinin maliyyə məsləhətçisidir.
Fitch reytinq agentliyi “Cənub qaz dəhlizi” şirkətinə xarici valyutada “BB+” reytinqi verib.
Agentliyə görə, 2016-2019-cu illərdə “Cənub qaz dəhlizi” layihəsinin əməliyyat və kapital xərcləri $8,4 mlrd olacaq.
* Cənub Qaz Dəhlizi” QSC Azərbaycan Respublikası Prezidentinin “Şahdəniz qaz-kondensat yatağının istismarının ikinci mərhələsi və Cənub Qaz Dəhlizinin yaradılmasına dair digər layihələrlə bağlı bəzi tədbirlər haqqında” 25 fevral 2014-cü il tarixli, 287 nömrəli Sərəncamı əsasında yaradılmış və səhmlərinin 51%-i dövlət mülkiyyəti olmaqla İqtisadiyyat Nazirliyinə, 49%-i isə SOCAR-a məxsus olan qapalı səhmdar cəmiyyətidir. –12D--
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz