Azərbaycanın xarici ölkələrdəki səfirlikləri qarşısında gənc fəalların həbsinə etiraz aksiyaları keçirilir
Mayın 19-da bir qrup gənc Berlindəki Azərbaycan səfirliyinin qarşısında aksiya keçirib. Aksiyaçılar həbs olunan gənc fəallar Bayram Məmmədov və Qiyas İbrahimovun işgəncələrə məruz qalmasına etirazlarını bildirib, həmçinin onların azad olunmasını tələb ediblər. Bu barədə Meydan.TV saytı xəbər yayıb.
Xəbərdə deyilir ki, gənclər eyni zamanda həbsdə olan araşdırmaçı jurnalist Xədicə İsmayılın da azadlığa buraxılmasını istəyiblər. Aksiya iştirakçıları əyinlərinə üzərində Bayram Məmmədov, Qiyas İbrahimov və Xədicə İsmayılın şəkilləri olan köynəklər geyinməklə Azərbaycandakı insan haqlarının durumuna diqqət çəkmək istəyiblər.
Sayt bildirir ki, analoji aksiyaların digər ölkələrdəki Azərbaycan səfirliklərinin də önündə keçirilməsi planlaşdırılır.
Bununla yanaşı Azərbaycanın Almaniya, Fransa, Belçika, Hollandiya, Türkiyədəki səfirliklərinin giriş qapılarına üzərində Bayram Məmmədov və Qiyas İbrahimovun fotoları olan, “Qul deyilik! Narkoman deyilik! Məhv etməyə çalışdığınız gələcəyik!” şüarları yazılmış plakatlar yapışdırılıb. Bu fotoları da Meydan.TV saytı Facebook səhifəsində yayıb.-03D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz