Azərbaycanlı güləşçilər iki olimpiya medalı qazanıblar

Bazar günü London olimpiya oyunlarında azərbaycanlı güləşçilər uğurla çıxış ediblər. Rövşən Bayramov (55 kq.) gümüş, Emin Əhmədov (74 kq.) bürünc medal qazanıb.

R.Bayramovun ilk çıxışda rəqibi rusiyalı Minqiyan Semenov olub. Görüşün hər iki raundunu qələbə ilə bitirən R.Bayramov yarışın 1/8 finalına vəsiqə qazanıb. 1/8 finalda onun rəqibi ABŞ təmsilçisi Spenser Tomas Manqo olub. Görüşün birinci raundunda R.Bayramov 4 xallıq üstünlük qazanıb. İkinci raundda da rəqibinə 4:0 hesabı ilə qalib gələn R.Bayramov olimpiadanın 1/4 finalında yer alıb. Azərbaycanlı güləşçinin bu mərhələdəki rəqibi Çin təmsilçisi Li Şujin olub. Görüşün hər iki hissəsini qələbə ilə bitirən R.Bayramov olimpiadanın yarımfinalına vəsiqə qazanıb.

R.Bayramovun növbəti rəqibi cənubi koreyalı Çoi Gücin olub. Rəqibindən üstün olan idmançımız finala cıxıb. Lakin finalda iranlı idmançı Həmid Reyhanpura məğlub olaraq gümüş medal  qazanıb.

Emin Əhmədov isə  belaruslu rəqibini məğlub edərək bürünc medal qazanıb. O, ilk görüşdə rəqibi xorvatiyalı Neven Juqay olub. Görüşü qələbə ilə bitirən E.Əhmədov yarışın 1/4 finalına vəsiqə qazanıb. 1/4 final görüşündə E.Əhmədov gürcüstanlı Zurabi Datunaşvili ilə yarışıb. İlk raundda Z.Datunaşvili üstün olub - 0:3. Lakin ikinci raundda E.Əhmədov vəziyyətdən çıxa bilib 3:0.  3-cü raundda isə E.Əhmədov 4:0 hesabı ilə qələbə qazanıb və yarımfinala keçib. -06D--