Tbilisi/10.10.17/Turan: Gürcüstan gömrükçüləri "Sınıq körpü" sərhəd məntəqəsində ümumi çəkisi iki kiloqramdan çox olan qızıl külçəni keçirmək istəyən Azərbaycan vətəndaşını saxlayıblar.
Qızıl şəxsi baxış zamanı aşkar edilib. Qaçaqmalın ümumi məbləği 131 min lariyə (53 min dollara yaxın) yaxın olub.
İş Gürcüstanın Maliyyə Nazirliyinin İstintaq Xidmətinə verilib. Qaçaqmalçının adı açıqlanmır.
Bu, Azərbaycandan Gürcüstana böyük miqdarda qızılın keçirilməsinə cəhdlə bağlı birinci hadisə deyil. Qanunsuz daşınma halları müntəzəm baş verir.
Belə ki, 2016-cı il avqustun 18-də Azərbaycan vətəndaşı bəyan edilməmiş 19 ədəd qızıl külçəni (ümumi çəkisi 18,6 kiloqram) Gürcüstana keçirməyə cəhd edərkən saxlanılıb. O, "Sınıq körpü" gömrük-sərhəd məntəqəsində saxlanılıb.
Qızıl külçə avtomobilin arxa oturacağının altında gizlədilib. Qaçaqmal $572,6 min həcmində dəyərləndirilib.
Bu ilin aprelində Bayram Gəncəliyev və Elman Hüseynov Gürcüstana 12 kiloqram yüksək əyarlı qızılı və 131 min dolları Gürcüstana qanunsuz keçirmək istəyərkən saxlanılıb.
İyunda Gürcüstana $24 min məbləğində qızıl külçə keçirmək istəyən Ramin Nəbiyev həbs olunub.-03D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz