Azərbaycanlı sərbəst güləşçi Xetaq Qazyumov (96 kq.) London Olimpiadasının son günündə bürünc
medal qazanıb. O1/8 finalda Belarus təmsilçisi Ruslan Şeyxovla görüşüb.
H.Qazyumov iki raundda 1:0, 1:0 hesabı ilə qalib gələrək dörddə bir finala çıxıb və ukraynalı Valeri Andriysevə 1:2 (1:0, 0:1, 1:4) hesabı ilə uduzub. Lakin Andriysevin finala çıxması Qazyumovun bürünc medal uğrunda mübarizə aparmasına imkan verib.
O, Tacikistandan olan Rüstəm İsgəndəriyə 2:0 (3:1, 3:0) hesabı ilə qalib gəlib, sonra isə iranlı Reza Yazdani ilə güləşməli olub. Lakin sonuncu xəsarət aldığından meydana çıxmayıb və Azərbaycan təmsilçisi qalib elan edilib. Əslən Şimali Osetiyadan olan 29 yaşlı H.Qazyumov Pekin Olimpiadasında əldə etdiyi nəticəni təkrarlayıb.
Digər azərbaycanlı güləşçi Cəbrayıl Həsənov (66 kq.) bürünc mükafata yaxın olsa da, həlledici yarışda kubalı rəqibi Livan Lopesə məğlub olub.
Olimpiadada Azərbaycanı 53 idmançı təmsil edib. Onlar 16 idman növündə yarışaraq 10 medal qazanıblar. Sərbəst güləşçilər Toğrul Əsgərov (60 kq.) və Şərif Şərifov (84 kq.) Olimpiya çempionları olublar. Rövşən Bayramov (55 kq.) və qadın güləşçi Mariya Stadnik (48 kq) gümüş mükafat qazanıblar. Bürünc medalçılar isə güləşçilər Emin Əhmədov (74 kq.), Hetaq Qazyumov (96kq.), qadın güləşçi Yuliya Ratkeçiv (55 kq.), ştanq qaldıran Valentin (56 kq.), həmçinin boksçular Teymur Məmmədov (91 kq.) və Məhəmmədrəsul Məcidovdur (91 kq.-dan artıq).
Olimpiadanın 10 mükafatçısından dördü Azərbaycan güləş və boks məktəbinin yetirməsidir, altı nəfəri legionerdir.
Nəticədə Azərbaycan yığması 2 qızıl, 2 gümüş və 6 bürünc medalla qeyri-rəsmi komanda hesabında Polşa ilə 29-30-cu yeri bölüşüb.
Müstəqil dövlətin təmsilçiləri kimi azərbaycanlı idmançılar Olimpiadalarda 1996-cı ildən çıxış edirlər.
1996-cı ildə Atlantada bir gümüş, Sidneydə (2000-cü il) üç (iki qızıl, bir bürünc), Afinada (2004) beş (bir qızıl, dörd bürünc), Pekində (2008) yeddi (bir qızıl, iki gümüş və dörd bürünc) medal qazanıblar. -06D-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz