![Otar Partskhaladze. Civil Georgia](https://turan.az/resized/media/2017/main/062300002581-750-500-resize.webp)
Otar Partskhaladze. Civil Georgia
Azərbaycanlı investorlar gürcü tərəfdaşlarını mənimsəmədə ittiham edirlər
Tbilisi/23.06.17/Turan: Bir qrup azərbaycanlı investor Gürcüstanda 1,5 mln. dollar itirir və həmin pulların mənimsənilməsində gürcü tərəfdaşlarını ittiham edirlər. İş üzrə istintaq üç ildir ki, davam edir. Bu barədə Gürcüstanın "Rustavi 2" telekanalı məlumat yayıb.
Azərbaycanlı iş adamlarına (adları açıqlanmır) deyiblər ki, bu məbləği onlara qaytara bilməyəcəklər, çünki torpaq alınması üçün xərcləyiblər. Həmin ərazi isə "Rıja" ləqəbli Georgi Kapanadzeyə və İlya Kokayaya məxsusdur.
Azərbaycanlı iş adamlarının sözlərinə görə, həmin şəxslər onların tərəfdaşlarına himayədarlıq edir və Gürcüstan prokurorluğunun müvəkkil edilmiş şəxsləridir.
"Hüquq mühafizəçilərinin İslahatlar Mərkəzi" QHT-nin üzvü Vaxtanq Beride bildirib ki, Kapanadze və Kokayanın arxasında keçmiş baş prokuror Otar Partsxaladze durur.
Torpaq sahibləri məsələni şərh etmirlər.
Qeyd edək ki, Gürcüstanda vəsait qoyan investorların çoxu onlardan pul tələb edildiyini, əmlaklarının götürüldüyünü və korrupsiyanın olduğunu bildirirlər.
Biznesin ələ keçirilməsinə digər nümunə kimi həkim Fərman Ceyranovun həbsini göstərmək olar. O, Tbilisidə ən yaxşı özəl klinikalardan birini - "Lanset" klinikasını yaradıb.
Bir müddət öncə öz klinikasını satmaq qərarına gəlib, ancaq gürcü alıcılar ona real qiymətin yarısını təklif ediblər. Klinikanı dəyərindən aşağı qiymətə satmaqdan imtina edən F.Ceyranov uydurma ittihamla həbs edilib. Onun yaxınları əmindir ki, F.Ceyranov klinikanı təklif edilən qiymətə satmağa razı olarsa işi qapadacaqlar. -02D-
-
- Siyasət
- 23 İyun 2017 16:51
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz