![Azercell daha bir xeyriyyə tədbirinin keçirilməsinə dəstək oldu](https://turan.az/resized/media/2012/main/080700007045-750-500-resize.webp)
Azercell daha bir xeyriyyə tədbirinin keçirilməsinə dəstək oldu
Azercell ölkəmizdə xeyriyyəçiliyə daimi dəstəyi ilə tanınan şirkətlərdən biridir. Bəlkə şirkəti bu yöndə birinci yerdə saysaq yanılmarıq. Korporativ Sosial Məsuliyyət tədbirləri Azercell-in fəaliyyət istiqamətləri sırasında xüsusi yer tutur.
2012-ci ilin 29 fevralında Azercell-in maliyyə dəstəyi ilə Bakıda daha bir xeyriyyə tədbiri baş tutdu. Təşəbbüs isə Azərbaycanda fəaliyyət göstərən xarici dövlət səfirlərinin, beynəlxalq təşkilat rəhbərlərinin xanımlarından, onların yaratdığı HOMS xeyriyyə qurumundan gəlmişdi. Diplomat xanımları həmin gün “Dünya boyu içkilərlə” adlı maraqlı, musiqili-əyləncəli tədbir təşkil etmişdilər. Tədbirin təşkilat komitəsinə İtaliya səfirinin xanımı Nikolett Baldi, Çexiya səfirinin xanımı İveta Matulova və başqaları daxil idi. 250-dən çox qonaq çağırılmışdı və yığışan qonaqların hər biri öz ölkəsinə aid milli içkiləri təqdim etməli, bunun haqqında təfərrüatlı məlumat verməli idi.
Dünya xalqlarını onların mədəniyyəti, sənət əsərləri və əlbəttə mətbəxləri ilə tanıyırlar. Axı, hansısa regionda məşhur olan içkilərin dadına baxmamış oranın mətbəxinin bütün xüsusiyyətlərini tanımaq mümkün deyil.
“Dünya Boyu İçkilərlə” adlı tədbirdə diplomatik nümayəndəliklərin rəhbərləri öz ölkələrindən gətirilən milli içkiləri özləri təqdim edərək qonaqlara hər bir içki barədə məlumat verdilər. Ümumən tədbirdə 24 ölkənin səfirlikləri təmsil olunurdu. İtaliya səfirinin xanımı Nikolett Baldi bu tədbir haqda belə deyir: “Biz çox şadıq ki, bir çox səfirlər və onların xanımları bu aksiyaya qoşuldular, onun maraqlı və şən keçməsinə səbəb oldular. Tədbirdən toplanan vəsait Azərbaycanda uşaq evləri ilə bağlı 4 lahiyənin həyata keçirilməsinə sərf olunacaq. Qeyd edim ki, biz “Dünya xalqlarının milli içkiləri” tədbirini artıq ikinci dəfə keçirdirik, lakin bu dəfə toplanan vəsait gözlədiyimizdən də artıq oldu. Təbii ki, tədbirin uğurlu alınmasında onun baş sponsoru olan Azercell şirkətinin böyük rolu vardır. Azercell 5 ildən çoxdur ki, bizim Səfir Xanımları Təçkilatımızın (HOMS) əsas tərəfdaşlarından biridir. Biz Azercell-ə səmimi qəlbdən təşəkkürümüzü bildiririk”.
Qonaqlara məlumat verildi ki, təşkil olunan mərasimin biletlərinin satışından əldə olunan gəlir Azərbaycandakı uşaq evlərinə yönəldiləcək. Təbii ki, bu da qonaqlarda yüksək əhval-ruhiyyə yaradırdı, çünki xoş bir axşam keçirtmək və nəticədə qayğıya ehtiyac duyan uşaqlara yardım edilməsi ikiqat sevinc doğurur. Həmin axşam tədbirdə bütün badələr uşaqların sağlığına qaldırılırdı, bütün gözəl sözlər onların şərəfinə söylənilirdi.
Azercell fəaliyyətə başladığı ildən etibarən “Ümid yeri” Uşaq Reabilitasiya Mərkəzində yaşayan uşaqlara maliyyə dəstəyi verir. Şirkət tərəfindən uşaqların sosial rifahına yönəlmiş işlər bununla bitmir. Azercell-in dəstəyi ilə indiyə qədər həyata keçirilən layihələr sırasında Uşaq Qaynar Xəttinin yaradılması, “De! Dildən-dilə, eldən-elə” şer və hekayə müsabiqəsini, “Hər uşağın ailəyə ehtiyacı var”, “Onlar da hədiyyə gözləyirlər...” kimi maraqlı layihələri misal göstərmək olar. Ümumilikdə, Azercell fəaliyyəti boyunca sosial layihələrin icrasına 16 milyon dollara yaxın vəsait sərf edib.
-
- Cəmiyyət
- 7 Avqust 2012 15:13
-
- İqtisadiyyat
- 7 Avqust 2012 16:14
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz