Lider mobil operator Beynəlxalq İnformatika Olimipiadasının medalçıları, layihə rəhbəri, müəllimləri ilə görüş keçirdi
Ümummilli lider Heydər Əliyevin sərəncamı ilə 2 fevralda qeyd edilən Azərbaycan Gənclər günü münasibətlə “Azercell Telekom” MMC ölkəmizin Beynəlxalq İnformatika Olimipiadası (IOI) üzrə milli yığmasının gənc qaliblərini mükafatlandırıb. Azercell-in Baş Ofisində təşkil olunan görüşdə milli komandanın medalçıları, layihə rəhbəri, müəllimləri və lider mobil operatorun rəhbər heyəti iştirak edib. Tədbirdə Olimpiada qalibləri Xizri Saxrayev, Fidan Hüseynova, Fuad Qarayev, Fidan Qarayeva Azercell-dən dəyərli hədiyyələr və sertifikatla təltif olunublar. Təltifetmə mərasimində iştirak edən Azercell-in Korporativ Ünsiyyət departamentinin direktoru Sona Abbasova, Tərəfdaşlarla münasibət şöbəsinin direktoru Nigar Şıxlinskaya, Azərbaycan Respublikası Elm və Təhsil Nazirliyinin Ümumi təhsilin təşkili və idarə olunması sektorunun müdiri Fuad Qarayev, Təhsil İnstitutunun əməkdaşları məktəbliləri təbrik edib, onlara təhsildə uğurlar və gələcək turnirlərdə Azərbaycan bayrağını yüksəklərdə dalğalandırmağı arzulayıblar.
Artıq 6 ildir ki, “Azercell Telekom” MMC Azərbaycan Respublikasının Elm və Təhsil nazirliyi və Təhsil İnstitutu ilə əməkdaşlığı çərçivəsində Beynəlxalq İnformatika Olimipiadası başda olmaqla informatika üzrə müxtəlif miqyaslı beynəlxalq olimipiadalara hazırlıq prosesinə dəstək verir. Sözügedən müddətdə məktəblilərimiz Beynəlxalq İnformatika Olimpiadası, Avropa Qızlar İnformatika Olimpiadası, Asian Pasifik İnformatika Olimpiadası, Yeniyetmələrin Avropa İnformatika Olimpiadası, İnformatika fənni üzrə Beynəlxalq Payız Turniri, Beynəlxalq Meqapolislər Olimpiadası, Beynəlxalq Jautikov Olimpiadası və bir çox müsabiqələrdə uğurla çıxış edərək, 2 qızıl, 12 gümüş və 34 bürünc olmaqla ümumilikdə 48 medal əldə ediblər.
Onu da qeyd edək ki, məktəblilərin rəqəmsal dünyaya, informatika elminə, kompüter mühəndisliyi və proqramlaşdırmaya olan marağının artırılması məqsədilə artıq ikinci ildir ki, ölkənin aparıcı mobil operatoru proqramlaşdırma üzrə “AZERCELL CUP” müsabiqəsi təşkil edir. Milli yığma üçün istedad mənbəyinə çevrilən yarışda bu günə kimi 1000-ə yaxın şagird iştirak edib. Müsabiqədən seçilərək dərslərə dəvət olunan şagirdlər beynəlxalq arenalarda ölkəmizi uğurla təmsil edərək medal qazanıblar. ®
Cəmiyyət
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
-
Yanvarın 29-da Bakıda və Abşeron yarımadasında hava dəyişkən buludlu olacaq, əsasən yağıntısız olacaq. Mülayim cənub-şərq küləyi əsəcək. Havanın temperaturu gecə müsbət 3+6, gündüz müsbət 8+13 dərəcə olacaq. Rütubət 70-80 faiz olacaq.
-
Gənclər ətraf mühitin mühafizəsinə yönəlmiş texnoloji həllərini təqdim ediblər Yanvarın 18-də Oxbridge Academy-də Azercell və “Eventify” şirkətinin birgə təşkilatçılığı ilə “Dayanıqlı İnkişaf” hakatonu baş tutub. Layihə gənclərə potensiallarını reallaşdırmağa imkan yaratmaq, eləcə də ətraf mühitin qorunmasına yönəlmiş texnoloji həlləri ərsəyə gətirmək məqsədini daşıyıb. Tədbir həmçinin startap ekosisteminin inkişafına töhfə verərək iştirakçılara öz innovativ ideyalarını həyata keçirmək üçün effektiv platforma rolunu oynayıb.
Rəy yaz