Yenə İran agentləri axtarışı? – İlham İsmayıl Çətin sual qarşısında

Bakı/02.02.23/Turan:  Azərbaycanın İrandakı səfirliyində baş verən hadisədən sonra yaranmış gərginlik fonunda ölkənin Daxili İşlər Nazirliyi “İran casusu şəbəkəsi” axtarışına çıxıb və daha 39 nəfərin saxlanıldığı iddia edilir. Həmin şəxslərin Daxili İşlər Nazirliyinin (DİN) xüsusi əməliyyatı nəticəsində müəyyənləşdirildiyi bildirilir.

Nazirliyin yaydığı məlumata görə, saxlanılan şəxslər Azərbaycanda “din pərdəsi” altında təxribat və pozuculuq əməlləri həyata keçiriblər.Həmçinin bildirilir ki, onlar özlərini dindar kimi qələmə verərək sosial şəbəkələr üzərindən İran lehinə təbliğatlar aparıblar.

“Onlar insanlar arasında məzhəb ayrı-seçkiliyi salmaq, qarşıdurma yaratmaq məqsədilə Azərbaycan vətəndaşlarının qatıldıqları dini mərasimlərdə və sosial şəbəkələrdə İrana aid atributlardan, eləcə də üzərində fars dilində müxtəlif yazılar olan qara bayraqlardan istifadə etməklə cəmiyyətdə çaşqınlıq yaradaraq topladıqları məlumatları tapşırıq aldıqları xüsusi xidmət orqanlarına ötürüblər”, – deyə məlumatda qeyd olunur.

Bütün bunlar barədə təhlükəsizlik məsələləri üzrə ekspert İlham İsmayıl Kamran Mahmudovun təqdimatında yayımlanan “Çətin sual” verilişində danışır.