Şəkildə: Mir Cəlal küçəsi, 129A ünvanındakı ikibloklu, çoxmənzilli binanın divarında qanunsuz yerləşdurulmiş sayqac görüntüsü (saq) və Habil Vəliyevə məxsus  olan iki mərtəbəli fərdi ev (sol).

Şəkildə: Mir Cəlal küçəsi, 129A ünvanındakı ikibloklu, çoxmənzilli binanın divarında qanunsuz yerləşdurulmiş sayqac görüntüsü (saq) və Habil Vəliyevə məxsus olan iki mərtəbəli fərdi ev (sol).

Bakı/15.09.23/Turan: Vəd etdiyimiz kimi, qaz ölçmə cihazının qanunsuz quraşdırılması problemilə bağlı sentyabrın 15-də SOCAR-a məlumat sorğusu göndərilib.

Məlumat sorğusunda qeyd olunur ki, sentyabrın 5-də  Turan İA “Azəriqaz” İB-nin başqa binanın divarına sayğac quraşdırmaqla bağlı qəribə qaydası” məqaləsini dərc edib. Məqalədə abunəçinin qaz ölçmə cihazının (sayğacının) quraşdırılması üçün qaz təchizatı normalarının uyğunsuzluğundan bəhs olunur. Bakı şəhəri, Mir Cəlal küşəsi, 129A ünvanında yerləşən evin sakini abunəçinin yaşamadığı binanın divarına sayğacın yerləşdirilməsinin qanunsuz olmasından “Azəriqaz” və digər dövlət qurumlarına şikayət edib.

25 iyun 2023-cü il tarixində “Azəriqaz” İB-nin baş direktor müavini Ramil İsgəndərov Mirvari Naibovanın şikayətinə cavab olaraq bildirib ki, sözügedən sayğac tikinti normaları və qaz təsərrüfatının texniki istismarı qaydalarına uyğun olaraq quraşdırılıb. Buna görə də İsgəndərov qeyd edib ki, müraciətdə qoyulan məsələ müsbət həll edilə bilməz.

Təəssüf ki, “Azəriqaz” İB-nin saytında bu qurumun fəaliyyətini, bu sahədə dövlət siyasətini, İB və abunəçilər arasında münasibətlərin tənzimlənməsini nizamlayan qanunvericilik və normativ sənədlərin siyahısı yoxdur. Bu, ciddi pozuntudur, istehlakçıların hüquqlarının kobud şəkildə pozulmasıdır və korrupsiya üçün geniş imkanlar açır.

Qiymətli vaxtımı sərf edib İsgəndərovun səhv cavabının sübutunu tapmalı idim.

SOCAR Dövlət Şirkətinin “Azəriqaz” İB-nin "Qaz təsərrüfatında texniki istismar, əməyin mühafizəsi, yanğın təhlükəsizliyi, ətraf mühitin mühafizəsi və beynəlxalq standartların tətbiqinə dair 1000 sual-1000 cavab" kitabını tapdıq. 2017-ci ildə Bakıda nəşr edilmiş kitab SOCAR-ın “Neftqazelmitədqiqatlayihə” İnstitutunun müsbət rəyini alıb.

3-cü fəsil, 6-cı bənddə göstərilir ki, quraşdırma zamanı sayğaclar onların qutularına birbaşa günəş işığı düşməməsi şərtilə quru sahədə saxlanılmalıdır. Reallıqda isə yayda sayğac birbaşa günəş işığı altındadır. Ancaq ən başlıcası 3-ci fəslin 8-cü bəndindədir: "Sayğaclar bina evlərində mənzilin giriş qapısının yaxınlığında-pilləkən şaxtasında, həyət evlərində isə küçə tərəfdən quraşdırılmalıdır. Sayğaclar xüsusi qutunun içərisində quraşdırılır. Sayğaclar boru kəmərinin aşağı hissəsində kondensat yığıla biləcək yerdə quraşdırıla bilməz. Burada iki pozuntu var: 1. Sayğac normativlə müəyyən edilmiş yerdə quraşdırılmayıb. 2. Sayğac boru kəmərinin aşağı hissəsindən bir metr aşağıda quraşdırılıb.

Mahiyyət ondan ibarətdir ki, sayğaclar öz sahibinin binasında quraşdırılmalıydı. Ancaq onu sayğac sahibinə heç bir aidiyyatı olmayan çoxmənzilli binanın divarına yerləşdiriblər.

Onu da qeyd etmək lazımdır ki, İsgəndərovun məktubunda sözügedən sayğacın sahibinin ünvanı və adı göstərilməyib. Yalnız adsız ünvanın koordinatları göstərilib. Buradan belə çıxır ki, bina dövlət tərəfindən qeydiyyata alınmayıb və ünvanı yoxdur, ona görə də “Azəriqaz”İB başqa binadan və başqa ünvandan istifadə edib.

Ümid edirik ki, SOCAR yaranmış vəziyyətin əsl mənzərəsini müəyyən etmək üçün qarşıya qoyulan suallara cavab verəcək:

1.Ramil İsgəndərovun 25 iyun 2023-cü il tarixli məktubunda verdiyi rəyi doğru hesab edirsinizmi? Cavabı əsaslandırmağı xahiş edirik.

2. Göstərilən sayğac kimə məxsusdur, hansı ünvanda yerləşdirilib?

3. Sayğac qanuna uyğun olaraq quraşdırılıbmı?

4. Qaz təchizatı sahəsində dövlətin siyasətini tənzimləyən bütün qanunvericilik və normativ sənədlərin “Azəriqaz” İB-nin veb-səhifəsində yerləşdirilməsi üçün hansı tədbirlər və hansı müddətdə görüləcək?

5. SOCAR Mirvari Naibovanın qaldırdığı problemi həll etmək üçün hansı tədbirləri və nə vaxt görməyə hazırlaşır?

Şəkildə: Mir Cəlal küçəsi, 129A ünvanındakı ikibloklu, çoxmənzilli bina (sol) və Habil Vəliyevə məxsus  olan iki mərtəbəli fərdi ev (saq).  

Rəy yaz

Cəmiyyət

Berlin görüşü, Prezidentin mesajları, Qərbin addımları – Azər Qasımlı Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti