![Açiq mənbələrdən foto.](https://turan.az/resized/media/2023/main/091500066672-750-500-resize.webp)
Açiq mənbələrdən foto.
Bu ilin yanvar-avqust aylarında narkotik vasitələrin qanunsuz dövriyyəsi ilə bağlı 7598 cinayət faktı akarlanıb
Bakı/15.09.23/Turan: 2023-cü ilin yanvar-avqust aylarında hüquq-mühafizə orqanları narkomanlığa və narkotik vasitələrin qanunsuz dövriyyəsinə qarşı mübarizə sahəsində ümumilikdə 7 598 cinayət faktı aşkarlayıb. Bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu məlumat yayıb.
Həmin faktlardan 2 659-u narkotik vasitələrin qanunsuz satışı, 4649-u narkotik vasitələrin qanunsuz əldə edilib saxlanılması və s. ilə əlaqəlidir.
Qanunsuz dövriyyədən ümumilikdə müsadirə olunmuş 5 ton 804 kq 558,512 qr narkotik vasitələrin və psixotrop maddələrin 1 ton 722 kiloqramı heroin, 3 ton 349 kiloqramı marixuana, 236 kiloqramı tiryək, 50 kiloqramı həşiş və s. olub.
Narkotik vasitələrin qanunsuz dövriyyəsi ilə bağlı cinayət məsuliyyətinə 5 721 nəfər cəlb edilib, onlardan 57 nəfəri xarici ölkə vətəndaşlarıdır.
Narkotik vasitələrin və psixotrop maddələrin qaçaqmalçılıq yolu ilə Azərbaycan ərazisinə gətirilməsinə dair 191 fakt aşkar edilib. Həmin faktlar üzrə qanunsuz dövriyyədən ümumi çəkisi 2 ton 531 kiloqram olan narkotik vasitə, 47726 ədəd həb metadon, 7631 ədəd kapsul, 3128 ədəd həb və 12,95 qr güclü təsir edən maddə çıxarılıb.
Ümumilikdə, aşkar edilmiş cinayətlərin 205-i qrup halında törədilib və həmin faktlar üzrə qanunsuz dövriyyədən 1 ton 645 kq 485,666 qr və 580 ədəd metadon narkotik vasitə, psixotrop maddə və 170,3 qr güclü təsir edən maddə müsadirə edilib.
Bu ilin yanvar-avqust ayları ərzində qanunsuz dövriyyədən götürülən 5 ton 804 kq 558,512 qr narkotik vasitələrin ümumilikdə dəyəri 235 milyon 195 min AZN kimi qiymətləndirilir. 0
Cəmiyyət
-
Xalq artisti Ağadadaş Ağayevlə baş verən insidentlə əlaqədar cinayət işi açılıb. Bu barədə Daxili İşlər Nazirliyindən Turan-ın sualına cavab olaraq bildiriblər.
-
İyulun 24-də saat 03:30-da Azərbaycan Sərhəd Qoşunlarının "Göytəpə" sərhəd dəstəsinin xidməti ərazisində iki naməlum şəxs İran tərəfdən Azərbaycan istiqamətində dövlət sərhədini pozub.
-
Buzovna çimərliyinə gələnlərin çəkdikləri və azinform informasiya portalının yaydığı videoda gecə Xəzər dənizinə çirkab sularının gizli axıdılması halları aşkar edilib ki, bu da ətraf mühitə laqeyd münasibət və əhalinin sağlamlığı üçün risklər ilə bağlı narahatlıq yaradıb.
-
Azərbaycan Xalq Cəbhəsi Partiyası Gəncə rayon şöbəsinin fəalı, iki il əvvəl Gəncədə həbs edilmiş Razi Alışovun məhkəməsi başa çatıb.
Rəy yaz