Aprelin 8-də Yasamal Rayon Məhkəməsində Azər Tağıyevin sədrliyilə AzTV dövlət telekanalının rəhbəri Arif Alışanovun tanınmış telejurnalist Qulu Məhərrəmliyə qarşı iddiası üzrə hazırlıq iclası keçirilib.
A.Alışanov şəxsi ittiham qaydasında iddia qaldırıb və Q.Məhərrəmlinin onun ünvanına söylədiyi fikirlərə görə CM-in 147 (böhtan) və 148-ci (təhqir) maddələri ilə cəzalandırılmasını tələb edir. Q.Məhərrəmlini 2 ilədək azadlıqdan məhrumolunma cəzası gözləyir.
Əvvəlki iclasda Q.Məhərrəmlinin vəkili iddiaçının özünün məhkəməyə çağırılması barədə vəsatət qaldırıb. Məhkəmə bununla razılaşıb, lakin A.Alışanov yenə məhkəməyə gəlməyib və onu vəkili təmsil edib.
Öz növbəsində Q.Məhərrəmlinin vəkili Cavid Rzazadə qeyd edib ki, şərəf və ləyaqətin müdafiəsi şəxsiyyət hüququnun ayrılmaz hissəsidir və bu hüquq başqa şəxsə etibar edilə bilməz.
Lakin hakim A.Tağıyev vəsatəti təmin etməyərək işə mahiyyəti üzrə baxılmasını aprelin 15-nə təyin edib.
Q.Məhərrəmli A.Alışanovun iddiasını Turan-ın müxbirinə şərh edərkən bunun əsassız olduğunu bildirib. O, özünün dilçi-alim, elmlər doktoru olduğunu qeyd edərək deyib ki, 30 ildən çoxdur ki, jurnalistika ilə məşğuldur və tənqidi təhqirdən yaxşı ayırır.
Q.Məhərrəmli deyib ki, A.Alışanovu səriştəsizlikdə ittiham edib və özü məhkəməyə gəlib iradlarını bildirsin.
Qeyd edək ki, həm də A.Alışanov Q.Məhərrəmliyə qarşı Nəsimi Rayon Məhkəməsində mülki iddia qaldırıb və ondan 100 min manat (65 min dollar) tutulmasını tələb edir. -В06--
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz