"Bahar" yatağında faciəvi FH
Martın 20-də "Bahar Energy" əməliyyat şirkəti tərəfindən istismar olunan "Bahar" dəniz yatağının 409 saylı platformasında faciəvi hadisə baş verib. Platformada işləyən neftçilər yüksəklikdən yıxılıblar. Bu zaman 1973-cü il təvəllüdlü Ayaz Məmməd oğlu Məmmədov dənizə düşərək həlak olub. Mərhumun cəsədi doğmalarına verilib. Qeyri-rəsmi məlumatlara görə, daha iki neftçi bədən xəsarətləri alıb.
Nə "Bahar Energy" şirkəti, nə SOCAR, nə FHN ötən günlər ərzində hadisə ilə bağlı şərh verməyib.
Neftçilərin Hüquqlarını Müdafiə Komitəsinin rəhbəri Mirvari Qəhrəmanlının sözlərinə görə, sözügedən platforma qəza vəziyyətindədir və əsaslı təmirə ehtiyacı var.
O qeyd edib ki, zərərçəkmiş neftçilər təmir-qaynaq işləri həyata keçirirdilər. Hüquq müdafiəçisi qeyri-iş bayram günlərində işlərin həyata keçirilməsini əsassız hesab edir, bu, əmək qanunvericiliyinin kobud şəkildə pozulmasıdır.
Qəhrəmanlı həmçinin hesab edir ki, dəniz platformalarında faciəvi hadisələrij artmasına səbəb insanların həlak olmasına görə məsuliyyət daşıyan vəzifəli şəxslərin cəzasızlığıdır.
2009-cu ildə SOCAR və Bahar Energy Company "Bahar-Qum dəniz" yataqlar blokunun kəşfiyyatı, hasilatı və işlənməsi üzrə 25 illik müqavilə imzalayıblar. Müqaviləyə əsasən, SOCAR-ın payı 20%, Bahar Energy Company-nin payı 80%-dir. Bahar Energy Company-nin təsisçiləri Baghlan Group, Greenfield International və RAFI Oil-dir.
1968-ci ildə açılmış "Bahar" qaz-kondensat yatağı Bakıdan 40 km cənub-şərqdə dənizdə yerləşib. -06D-
-
- İqtisadiyyat
- 24 Mart 2017 12:46
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz