Pünhan Kərimli
Bakı/29.08.23/Turan: Bakı Apellyasiya Məhkəməsi Almaniyadan deportasiya edildikdən sonra həbs olunmuş Pünhan Kərimlini 5 il müddətinə azadlıqdan məhrum edib. Bu barədə Turan-a fəalın vəkili Cavad Cavadov bildirib.
2021-ci ilin noyabrında Kərimli deportasiya edilib və iki ay sonra Azərbaycanda qanunsuz narkotik maddə alveri ittihamı ilə həbs edilib. Bakı Ağır Cinayətlər Məhkəməsi onu 6 il müddətinə azadlıqdan məhrum edib. Sonradan Apellyasiya Məhkəməsi müddəti bir il azaldıb.
Mayın 16-da Ali Məhkəmə Kərimlinin kassasiya şikayətini qismən təmin edərək işi yenidən Apellyasiya Məhkəməsinə qaytarıb.
Vəkil Cavadovun sözlərinə görə, işə yenidən Apellyasiya Məhkəməsində baxılması onunla əlaqədardır ki, Ali Məhkəmə Kərimlinin kassasiya şikayətini qismən təmin edib və işi apellyasiya instansiyasına qaytarıb.
“Hesab edirik ki, Apellyasiya Məhkəməsi Ali Məhkəmənin göstərişlərinə əməl edilməyib. Göstərişlərdən ikisi bəraətverici əsaslarla, biri isə tövsiflə bağlı idi. Yəni, Cinayət Məcəlləsinin 234.4.1 maddəsi bir qrup şəxs tərəfindən əlbir olub narkotiki satış məqsədilə əldə etməyi əhatə edir. Cinayət işinin məhkəmə istintaqında satış və bir qrup şəxsin olması sübut olunmayıb. Lakin Apellyasiya Məhkəməsi maddəni dəyişmədi və 5 il azadlıqdan məhrumetmə cəzasını təyin etdi”, - vəkil deyib.
O bildirib ki, müdafiə tərəfi yenidən Ali Məhkəməyə kassasiya şikayəti verəcək. 03B06
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz