Bakı/23.05.19/Turan: Bakı şəhər İcra Hakimiyyəti Azərbaycan Xalq Hərəkatının mayın 25-nə təyin etdiyi mitinqə razılıq verməyib. Bu barədə Turan Agentliyinə Gələcək Azərbaycan Partiyasının sədri Ağasif Şakiroğlu məlumat verib.
"Mayın 22-də mən Bakı şəhər İcra Hakimiyyətinə çağırıldım. Orada mitinqə razılıq verilmədiyini bildirdilər. Bundan sonra Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə, daha sonra isə Bakı şəhər Baş Polis İdarəsinə dəvət edildim. Hər iki qurumda icazəsiz mitinqə cəhd olarsa qarşısının amansızlıqla alınacağı barədə xəbərdarlıq etdilər", deyə o qeyd edib.
Şakiroğlunun sözlərinə görə, Azərbaycan Xalq Hərəkatı mitinq keçirəcəyini elan etdikrədn sonra qurumun İdarə Heyətinin 26 üzvündən 19-u saxlanılıb.
"Biz, İdarə Heyətinin azadlıqda qalan 7 üzvü mayın 23-də Liberal-Demokrat Partiyasının qərargahında fövqəladə iclas keçirəcəyik. İclasdan sonra isə saat 13-də mətbuat konfransı olacaq", deyə o bildirib.
Öz növbəsində, rəsmi qurumlar Xalq Hərəkatının bəyanatlarına və İdarə Heyətinin üzvlərinin saxlanılması barədə məlumatlarına hələ münasibət bildirməyib.
Azərbaycan Xalq Hərəkatı 2019-cu il yanvarın 26-sı təsis olunub. Keçmiş daxili işlər naziri İsgəndər Həmidovun təşəbbüsü ilə təsis edilən quruma Klassik Xalq Cəbhəsi Partiyası (lideri Mirmahmud Mirəlioğlu), Ümid Partiyası (lideri İqbal Ağazadə), Demokrat Partiyası (lideri Sərdar Cəlaloğlu), Vətəndaş və İnkişaf Partiyası (lideri Əli Əliyev), Ağ Partiya (lideri Tural Abbaslı), Böyük Azərbaycan Partiyası (lideri Elşad Musayev) və başqa partiyalar, eləcə də ictimai fəallar, ziyalılar daxildir. -03-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz