Martın 15-də saat 20 radələrində metropolitenin "28 may" və "Gənclik" stansiyaları arasındakı hissəsində alovlanma baş verib. Bu iki stansiyanı, habelə platformada dayanan qatarları kəskin tüstü bürüyüb. Hərəkət dayandırılıb və qatarlardakı sərnişinlər onları tərk etmək məcburiyyətində qalıb. Güclü tüstü bir neçə nəfərin özünü pis hiss etməsinə və yüngül zəhərlənməsinə səbəb olub, bu barədə Turan-a sərnişinlər arasında olanlar bildirib.
FHN-in məlumatına görə, metropolitenin bu hissəsində həqiqətən alovlanma baş verib və o, aradan qaldırılıb.
"28 May" stansiyasının qarşısına təcili tibbi yardım maşınları gəlib, bir neçə nəfərə yerindəcə yardım göstərilib.
Bakı metropoliteni hələlik rəsmi bəyanat yaymayıb. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz