Açiq mənbələrdən foto.
Bakı/03.06.21/Turan: Keçmiş siyasi məhbus, ictimai fəal İlkin Rüstəmzadə və bacısı Türkan iyunun 2-də Bakı Şəhər Baş Polis İdarəsinə dəvət olunub. Burada onlar naməlum şəxs tərəfindən təzyiq və təhdid faktı ilə bağlı dindiriliblər.
“Bizi hörmətli şəkildə qəbul edib dinlədilər. Hadisənin detalları barədə məlumat verdik. Eyni zamanda, mənim təhdid olunduğum, eləcə də Türkana yaxınlaşdığını bildirən şəxsin vatsap mesajlarını, nömrələrini təqdim etdik”, deyə Rüstəmzadə öz Feysbuk səhifəsində yazıb.
“Qəti şəkildə bildirdilər ki, baş verən hadisənin dövlətlə yaxından-uzaqdan əlaqəsi yoxdur. İnanmaq istəyirəm ki, həqiqətən belədir”, deyə o qeyd edib.
Xatırladaq ki, fəalın bacısı bir neçə gün əvvəl metronun çıxışında naməlum şəxsin hücumuna məruz qalıb. Cavab oğlan arxadan onun ağzını əli ilə tutub və deyib ki, “qardaşına de, ağıllı olsun”.
İlkin Rüstəmzadə bu hadisələrin onun yeni dərc edilən “Qaranlığın hekayəsi” kitabı və ya İran rejimini dəstəkləyən dini qrupların ünvanına tənqidləri ilə bağlı ola biləcəyini hesab edir. Bu hadisədən sonra onun telefonuna və Feysbuk hesabına təhdidlər daxil olmağa başlayıb.
İlkin Rüstəmzadə 2013-cü ildə orduda qeyri-hərbi itkilərə qarşı kütləvi etirazların təşkilinə görə həbs edilib. O, kütləvi iğtişaşların təşkilində ittiham olunaraq 6 il müddətinə həbs edilib. Rüstəmzadə beynəlxalq təşkilatlar tərəfindən “vicdan məhbusu” kimi tanınıb. -16D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz