![Açiq mənbələrdən foto.](https://turan.az/resized/media/2022/main/052600045895-750-500-resize.webp)
Açiq mənbələrdən foto.
Bakı və Varşava arasında birbaşa hava əlaqəsi açılır
Bakı/26.05.22/Turan: Azərbaycanla Polşa arasında birbaşa hava əlaqəsi açılır. Uçuşlar Polşanın LOT aviaşirkəti tərəfindən yerinə yetiriləcək.
Mayın 28-də aviadaşıyıcı Varşavadan Bakıya ilk səfərini yerinə yetirəcək. Uçuş həftədə 4 dəfə olacaq. Bu barədə "Azərbaycan Hava Yolları" Qapalı Səhmdar Cəmiyyətinin rəhbəri Cahangir Əsgərovla LOT aviaşirkəti İdarə Heyətinin sədri Rafal Milçarskinin görüşü ilə bağlı bu qurumun mətbuat xidmətinin məlumatında deyilir.
Görüş zamanı Əsgərov xatırladıb ki, ölkənin bütün yeddi beynəlxalq hava limanında beşinci və yeddinci dərəcəli “hava azadlığı” rejimi tətbiq olunur. Bu dərəcələr xarici aviadaşıyıcılara Azərbaycan aviaşirkətlərilə bərabər hüquqlar təqdim edir və Azərbaycanın hava limanları vasitəsilə tranzit reyslər yerinə yetirmək imkanı verir.
Rafal Milçarski Azərbaycan və Polşa arasında reyslərin yerinə yetirilməsinə böyük marağın olduğunu qeyd edib. Onun sözlərinə görə, müntəzəm reyslərin yerinə yetirilməsi hər iki ölkənin qarşılıqlı faydalı maraqlarının inkişafına təkan verəcək.—06В—
-
- Cəmiyyət
- 26 May 2022 17:01
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz