Avropa İttifaqının maliyyələşdirdiyi “Study in Europe: Enhancing the attractiveness of European Higher Education” layihəsi çərçivəsində 2 oktyabrda Bakıda, Hilton hoteldə “Avropada təhsil” sərgisi təşkil olunacaq. Tədbirin açılış mərasimində Avropa İttifaqının Azərbaycandakı Nümayəndəliyinin səfiri Peter Mixalko, Fransanın Azərbaycandakı səfiri Zakari Gros, Avropa İttifaqına üzv olan digər ölkələrin səfirliklərinin, eləcə də Azərbaycan Elm və Təhsil Nazirliyinin nümayəndələri iştirak edəcəklər.
Sərginin məqsədi Avropada ali təhsil almaq istəyən azərbaycanlı gəncləri Avropada ali təhsil imkanları barədə məlumatlandırmaq, universitetlər və tələbə mobilliyi ilə məşğul olan milli təhsil agentlikləri ilə birbaşa görüşdürməkdir. Tədbirdə 10 ölkədən 20-dən çox ali təhsil müəssisəsi, dövlət agentliyi və Avropa İttifaqının Azərbaycandakı Nümayəndəliyi iştirak edəcək. Gənclərə Avropa ali təhsil sistemləri, universitetlər, təhsil və tədqiqat proqramları, təqaüdlər barədə ətraflı məlumat veriləcək, sualları ətraflı şəkildə cavablandırılacaq.
Sərgidə iştirak edəcək ölkələr: Almaniya, Belçika, Çex Respublikası, Estoniya, Fransa, İspaniya, İsveç, İtaliya, Macarıstan və Portuqaliya.
“Avropada təhsil” sərgisi müddətində hər bir ölkə ali təhsil sistemini, təhsil və təqaüd imkanlarını təqdim edəcək. Həmçinin Erasmus+ proqramının da ayrıca təqdimatla çıxışı olacaq.
Tədbir təşkilatçıları tələbələri, gənc tədqiqatçıları, universitet nümayəndələrini, orta məktəb şagirdlərini və onların valideynlərini, Avropada təhsil almaq istəyən hər kəsi 2 Oktyabrda saat 10:00-dan etibarən Hilton hoteldə olacaq “Avropada təhsil” sərgisinə qoşulmağa etməyə dəvət edir. İştirak üçün qeydiyyatdan keçmək mütləqdir. İştirak pulsuzdur.
Daha detallı məlumat üçün aşağıdakı linklərə keçid edə bilərsiniz:
Sayt: https://www.studyineuropefairs.eu/exhibitions/detail/23/
FB: https://www.facebook.com/StudyInEurope.Welcome
Instagram: https://www.instagram.com/studyineurope.welcome
Tədbirin FB səhifəsi: https://fb.me/e/1Np8wWKbM
Qeydiyyat üçün link: https://studyineuropefairs.eu/exhibitions/register/23/
Tədbir Avropa İttifaqı adından Avropa Komissiyasının Təhsil, Mədəniyyət, Gənclər və İdman Baş Direktorluğu tərəfindən maliyyələşdirilən “Avropada təhsil” layihəsi çərçivəsində təşkil olunur. “Avropada təhsil” layihəsi Campus France (Fransa), DAAD (Almaniya), Nuffic (Hollandiya), Estoniya Təhsil və Gənclər Şurası (Harno, Estoniya) və Akademik Əməkdaşlıq Assosiasiyasından (ACA, Belçika) ibarət konsorsium tərəfindən həyata keçirilir. ®
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz