Fransanın bir sıra aparıcı ali məktəblərinin rəhbərlərinin daxil olduğu Fransa nümayəndə heyətinin Bakıya iki günlük səfəri zamanı Azərbaycan və Fransa universitetləri arasında əlaqələrin inkişafı məsələləri müzakirə olunub.
Bununla əlaqədar aprelin 2-də Fransanın Bakıdakı diplomatik missiyasında keçirilən mərasimdə səfir Paskal Monye qeyd edib ki, “aparılan müzakirələr Azərbaycan-Fransa Universitetinin yaradılması üçün perspektivlər” açır.
Bu zaman Monye qeyd edib ki, bu, Fransa universitetlərinin nümayəndələrinin ilk səfəri deyil. Bir müddət əvvəl ADA universitetində iki Azərbaycan-Fransa universitetlərarası forumu keçirilib, onlar çərçivəsində iki ölkənin ali məktəbləri arasında əməkdaşlıq haqqında sazişlər imzalanıb.
Hazırki səfər zamanı, Strasburq Universitetinin rektoru Alen Beresin sözlərinə görə, iki ölkə universitetləri arasında əməkdaşlıq haqqında daha üç memorandum imzalanıb.
O qeyd edib ki, ali məktəblər arasında əlaqələrin inkişafı bütünlükdə Azərbaycan-Fransa əməkdaşlığının genişlənməsinə də şərait yaradacaq.
Öz növbəsində, Azərbaycan təhsil nazirinin müavini Firudin Qurbanov təhsil sahəsində ikitərəfli əməkdaşlığın yüksək səviyyədə olduğunu qeyd edib.
Fransanın bir sıra ali məktəblərində Azərbaycan dili keçilir, Azərbaycan dili və mədəniyyəti mərkəzləri fəaliyyət göstərir.
Eyni zamanda, Azərbaycan ali məktəblərində Fransız dili və mədəniyyəti mərkəzləri fəaliyyət göstərir.
Qurbanov iki ölkənin ali məktəbləri arasında əlaqələrin, tələb mübadiləsinin, birgə elmi araşdırmaların və digər layihələrin uğurla inkişaf edəcəyinə ümid etdiyini bildirib.
Turan-ın Fransa-Azərbaycan Universitetinin hansı formada yaradılması nəzərdə tutulduğu haqqında sualına cavabda Qurbanov qeyd edib ki, hələlik belə bir təhsil müəssisəsinin yaradılması ideyası özü təqdir edilib. Lakin konkret qərar hələ qəbul edilməyib və məsələ gələcək müzakirələrin predmetidir. Qurbanovun fikrincə, ideya Azərbaycanda fransız dilində təhsillə tamdəyərli ali məktəbin yaradılmasından ibarətdir.
Qeyd edək ki, bir il əvvəl Bakıda Fransa liseyi açılıb. -06С-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz