Bakı/01.07.20/Turan: Bakı şəhərində xüsusi karantin rejimi zamanı nəqliyyat vasitələrin sürücülərinin və sərnişinlərin icazələrin olub-olmamasını yoxlamaq məqsədi ilə qurulmuş polis postları iyulun 1-də yığışdırılıb.
Bu barədə sosial şəbəkələrin istifadəçiləri məlumat yayıb.
Onların sözlərinə görə, polis postları günorta saatlarında yığışdırılıb.
Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev Turana açıqlamasında məlumatı təkzib etmədi. "Postların yığışdırılması ilə bağlı heç nə deyə bilmərəm. Amma postların yığışdırılması karantin rejimin ləğv olunması demək deyil. Hər kəs mövcüd qaydalarına uyğun hərəkət etməlidir. Yəni, postlar olmasa belə, marşrut postlar qüvvədədir və hər kəsi istənilən halda, istənilən yerdə polis əməkdaşı saxlayıb onun evdən çıxmasına icazəsinin olub-olmamasını yoxlaya bilər. Ona görə də postun olmamasından yaxud da hansısa ərazisindən postun yığışdırılmasından kimsə istifadə edib icazəsiz evini tərk etməsin. Vətəndaş bilməlidir ki, icazəsi olmadan hərəkət etməsi müəyyən olunarsa o, karantin rejimin pozulmasına görə inzibati məsuliyyətə cəlb olunacaq".-0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz