Bakıda qar yağacaq

Dekabrın 18-dək hava soyuq, şaxtalı olacaq. Bakıda və Abşeron yarımadasında havanın temperaturu dekabrın 15-dən 16-na, 16-dan 17-nə keçən gecə 0, mənfi 2 dərəcəyədək aşağı enəcək. 

Respublikanın aran rayonlarında 2 dərəcə istidən 3 dərəcəyədək şaxta, dağlıq rayonlarda 8-13, yüksək dağlıq ərazilərdə 15-20 dərəcə şaxta olacağı gözlənilir. 

Hava şəraiti fasilələrlə yağıntılı keçəcək. Sulu qar, qar yağacaq. Bakıda və Abşeron yarımadasında fasilələrlə gözlənilən yağıntının sulu qar, nisbətən yüksək ərazilərdə qar şəklində olacağı ehtimalı var. Dekabrın 14-dən 16-ı gündüzədək arabir güclənən şimal-şərq küləyi əsəcək. 

Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, dekabrın 15-də Bakıda və Abşeron yarımadasında buludlu hava şəraiti üstünlük təşkil edəcək, əsasən səhər və axşam yağıntılı olacaq, sulu qar yağacaq. Arabir güclənən şimal-şərq küləyi əsəcək. Gecə 0 dərəcəyə yaxın, gündüz 1-4 dərəcə isti olacaq. 

Azərbaycanın rayonlarında dekabrın 15-də fasilələrlə yağıntı olacaq, bəzi yerlərdə sulu qar, qar yağacağı, səhər saatlarında duman olacaq. Şərq küləyi əsəcək, arabir güclənəcək. Gecə 2 dərəcə istidən 3 dərəcəyədək şaxta, gündüz 3-8 dərəcə isti, dağlarda gecə 8-13, yüksək dağlıq ərazilərdə 15-20, gündüz 1-6 dərəcə şaxta olacaq.-03D-