Bakıda silahlı narkotacirlər saxlanılıb

Bakı/25.02.22/Turan:Bakının Xəzər rayonunun  Binə qəsəbəsində qanunsuz silah və narkotik vasitələr saxlayan şəxslər tutulublar. Bu barədə Daxili İşlər Nazirlyinin yaydığı məlumatda deyilir.

İlk tədbir zamanı əvvəllər dəfələrlə məhkum olunmuş Binə qəsəbəsi sakini Xanlar Hacıyev saxlanılıb və üzərinə baxış zamanı qanunsuz silah saxladığı açkar edilib.  

Digər əməliyyatlar zamanı Elgün Əliyev, Vidadi Rzayev, qardaşı Namiq Rzayev, eləcə də tanışı Ceyhun Nurullayev saxlanılıblar.

Onlarin üzərindən və yaşadıqları evlərdən ümumilikdə 2 kiloqramdan artıq narkotik vasitə olan heroin, tiryək, eləcə də psixotrop maddə olan metamfetamin aşkar edilib.

Namiq Rzayevin yaşadığı evdən 1 ədəd istifadəyə yararlı “Walter” markalı tapança və patron darağı aşkar olunub. Narkotiklərin satışında və qanunsuz olaraq odlu silah saxlamaqda təqsirli bilindikləri üçün tutulan şəxslər barəsində həbs qətimkan tədbirləri seçilib

Faktlarla bağlı Cinayət Məcəlləsinin müvafiq maddələri ilə cinayət işləri başlanılıb, əməliyyat tədbirləri davam etdirilir.-05D-