Bakıda taksi sahəsində xidmət göstərən avtomobillərin sayı 2 dəfə azalıb
Azərbaycanda taksi xidməti ilə bağlı tənzimləmələrdən sonra Bakıda 35 minə yaxın taksi fəaliyyət göstərir və bu say əvvəlkindən 2 dəfə azdır.
Bu barədə rəqəmsal inkişaf və nəqliyyat nazirinin müavini Rəhman Hümmətov Mobillik sahəsində qanunvericiliyin təkmilləşdirilməsinə həsr olunmuş brifinqdə bildirib.
Onun sözlərinə görə, taksi sahəsində tənzimləmələr davam etdiriləcək.
Hümmətov parklanma yerlərin sayını da açıqlayıb. Onun sözlərinə görə, indiyə qədər Bakıda 19 minə yaxın parklanma yeri təşkil edilib: "Qanunsuz parklanma yeri təşkil edən fiziki və hüquqi şəxslərə maliyyə sanksiyaları nəzərdə tutulur. Parklanma ilə bağlı nağd ödənişlər də qanunsuzdur".
Qeyd edək ki, iyulun 1-dən etibarən Azərbaycanda taksi sahəsində fəaliyyəti tənzimləyən yeni qaydalar tətbiq olunub. Bu qaydalar sərnişindaşıma üçün istifadə olunan avtomobillərlə bağlı tələbləri sərtləşdirib.
Xüsusən, taksi xidmətləri üçün istehsal ilindən 15 ildən çox keçən avtomobillərdən istifadəyə icazə verilmir.
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz