Bakı/24.05.17/Turan: Bu gün "Respublika" bankının müştərisi bankın "Azneft" meydanındakı şöbəsinin işçiləri ilə münaqişədən sonra özünü yandırıb.
Şahidlərin sözlərinə görə, 50-55 yaşlarındakı kişi bank əməkdaşları ilə mübahisə edib, sonra küçəyə çıxıb və özü ilə gətirdiyi sellofan paketdəki benzini üzərinə töküb. Sonra alışqanla özünü yandırıb.
Küçəyə qaçan bankın mühafizəçisi yanğınsöndürən balonla alovu söndürməyə başlayıb.
Hadisə yerinə gələn "Təcili yardım" zərərçəkmişi xəstəxanaya aparıb. Polis öz növbəsində hadisə şahidlərini dindirir.
Bankdan şərh almaq mümkün olmayıb.
Öz növbəsində, 5 saylı xəstəxananın yanğın şöbəsindən Turan-ın müxbirinə bildiriblər ki, zərərçəkmişin adı Ramiz Manafovdur. Onun baş, boyun və nəfəs yollarında 3-4-cü dərəcəli güclü yanıq xəsarətləri var. Vəziyyəti ağırdır.
Qeyri-rəsmi məlumatlara görə, zərərçəkmiş bankın müştərisidir və kredit ödənişi ilə bağlı problemləri var idi.
Polis də hadisə ilə bağlı şərh vermir. -05B-
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz