![Açiq mənbələrdən foto.](https://turan.az/resized/media/2021/main/101800039679-750-500-resize.webp)
Açiq mənbələrdən foto.
Baş prokuror yeniyetmənin təcavüzə məruz qalması üzrə işi nəzarətə götürüb
Bakı/18.10.21/Turan: Yetkinlik yaşına çatmamış Sənay Qəhrəmanlının təcavüzə məruz qalması ilə əlaqədar Yasamal Rayon Prokurorluğunda Cinayət Məcəlləsinin 149.2.3-cü maddəsilə başlanan cinayət işi baş prokurorun şəxsi nəzarətinə götürülüb. İstintaqın davam etdirilməsi Baş Prokurorluğun İstintaq İdarəsinə tapşırılıb. Bu barədə Baş Prokurorluqda sözügedən iş üzrə sorğuya cavab verərkən bildiriblər.
Qeyd olunub ki, zəruri istintaq tədbirləri həyata keçirilir. Həmçinin kütləvi informasiya vasitələri, eləcə də sosial şəbəkə istifadəçiləri bu cür həssas mövzuların işıqlandırılması zamanı etik normalara və qanunvericiliyin tələblərinə əməl etməyə, dəqiqləşdirilməmiş məlumatları yaymamağa çağırılıb.
Bundan öncə yeniyetmənin anası yazıçı Zümrüd Yağmur bu cinayətdə öz qohumunu günahlandırıb, guya o, öz qurbanına narkotik maddə qəbul etdirib.
Yağmur bildirib ki, istintaq təcavüzkarın cəzalandırılması üçün real araşdırma aparmayıb.
Yaqmurun çıxışı sosial şəbəkələrdə rezonans doğurub və fəallar Baş Prokurorluqdan obyektiv istintaq tələb ediblər.
Yeniyetmənin atası tanınmış siyasətçi, Azərbaycan Xalq Cəbhəsi Partiyası Rəyasət Heyətinin üzvü Fuad Qəhrəmanlıdır. – 06B-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz