Açiq mənbələrdən foto.
Fransa, Böyük Britaniya və Almaniya səfirləri Azərbaycanın Müstəqillik Günü münasibətilə təbrik ediblər
Bakı/18.10.21/Turan: Azərbaycan müstəqilliyini bərpa etdikdən sonra 30 il ərzində öz suverenliyini qoruyub saxlayıb, təhlükəsizliyini təmin edib, infrastrukturu inkişaf etdirib.
İkinci Qarabağ Müharibəsinin nəticələri atəşkəs haqda razılaşmaya nail olmağa imkan verib ki, bu da gələcək quruculuğa şərait yaratmalıdır. Bu barədə Fransanın Azərbaycandakı səfiri Zakari Qros oktyabrın 18-də Tvitterdəki akkauntunda yazıb.
O, Azərbaycana Avropa ilə tərəfdaşlığı möhkəmləndirməyi və Ermənistanla davamlı sülh bağlamağı arzulayıb.
Öz növbəsində Böyük Britaniya səfiri Ceyms Şarp Tvitter hesabında audio müraciət yerləşdirib və Azərbaycan dilində ölkəni müstəqilliyin bərpasının 30 illiyi münasibətilə təbrik edib: "Azərbaycan öz tarixində yeni səhifə açır, ölkələrimiz arasında yaxşı münasibətlər var və biz onun davamlı inkişaf yolunda Azərbaycanla bir yerdəyik".
Almaniya səfiri Volfqanq Maniq Tvitterdə qısa təbrik dərc edib: "Azərbaycanın müstəqilliyinin bərpasının 30 illiyi münasibətilə təbrik edirəm". -0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz