Qiymət artımı. Daha nələrin qiyməti bahalaşacaq? – Vahid Məhərrəmli “Çətin sual" qarşısında
Bakı/18.10.21/Turan: Oktyabrın 16-da Tarif Şurasının qərarı ilə elektrik enerjisinin və qazın qiymətləri artırıldı. Qərara əsasən, noyabrın 1-dən əhaliyə 1200 m3-dək (1200 m3 daxil olmaqla) satılan təbii qazın1m3 qiyməti 12 qəpik olacaq (əvvəlki qiymət 10 qəpik idi). 1200 m3-dən artıq istifadə olunan qazın qiyməti isə dəyişməyib: illik istehlak həcmi üçün 1200 kubmetrdən 2500 kubmetrə qədər (2500 kubmetr də daxil olmaqla) 20 qəpik, 2500 kubmetrdən yuxarı 25 qəpik müəyyən edilmişdir.
Eyni zamanda sənaye və kənd təsərrüfatı üçün satılan qazın qiyməti də artıb. Belə ki, hər 1000 m3 görə qiymət 200 manatdan 220 manata qalxdı. “Azəristiliktəchizat” ASC, məhəllə qazanxanaları və CNG tipli qazdoldurma məntəqələrinə, həmçinin «Azərenerji»-yə satılan qazın qiyməti isə 1000 m3 görə 130 manatdan 165 manata qalxdı.
Tarif Şurasının digər qərarına əsasən isə elektrik enerjisinin qiymətləri da artırılıb. Noyabrın 1-dən yeni tariflər tədbiq ediləcək. İstifadə olunmuş 200 kVts-dək (200 kVts daxil olmaqla) elektrik enerjisinin tarifi 8 qəpik, 200 kVts-dan - 300 kVts-dək (300 kVts daxil olmaqla) – 9 qəpik, 300 kVts-dan çox isə 13 qəpik müəyyən olunub. Bundan əvvəl isə elektrik enerjisinin 300 kVts-dək istifadə edəndə əhali 7 qəpik, 300kVts-dan çox istifadə olunmuş elektrik enerjisinə görə 11 qəpik ödəyirdi.Ticarət və xidmət sahələri üçün tarif 9 qəpikdən 11 qəpiyə, digər sahələr üçün isə 9 qəpikdən 10 qəpiyə qədər qalxdı.
Son vaxtlar ölkədə ərzaq məhsullarının qiymətlərində də artım müşahidə edilir. Bu bahalaşmanın fonunda hökumətin rəsmi formada əhalinin ən çox ehtiyac hiss etdiyi qazın və elektrik enerjisinin bahalaşdırması bir çox suallar doğurur. Üstəlik nəzərə alsaq ki, qazın və elektrik enerjisinin qiymətinin bahalaşması digər məhsulların qiymətlərinin bahalaşmasına da gətirib çıxaracaq.
Sizcə, qazın və elektrik enerjisinin bahalaşması daha hansı məhsulların qiymətinin artmasına gətirib çıxaracaq?
Ekspert Vahid Məhərrəmli saat 16:00-da Kamran Mahmudovun təqdimatında yayımlanan “Çətin sual” verilişində bu və digər suallara cavab verir.--0--
-
- İqtisadiyyat
- 18 Oktyabr 2021 15:55
-
- Cəmiyyət
- 18 Oktyabr 2021 16:55
Çətin sual
-
Milli Məclisin Xarici müdaxilələrə və hibrid təhdidlərə qarşı müvəqqəti komissiyası yaradılıb.
-
Britaniyalı siyasi analitik Tomas de Vaal "Çətin sual" proqramına verdiyi müsahibədə sülh sazişi ətrafında gedən danışıqlar prosesindəki çətinliklərdən bəhs edərək, Azərbaycanın Ermənistan Konstitusiyasından Azərbaycan ərazilərinə olan iddiaların çıxarılması tələbinə toxunub.
-
İran İsrailə raket zərbələri endirib. İsrail Müdafiə Qüvvələri oktyabrın 1-də ölkə sakinlərini "sayıq olmağa və komandanlığın göstərişlərinə ciddi əməl etməyə" çağırıb.
-
“Hizbullah” lideri Şeyx Həsən Nəsrullahın qətli regionda, xüsusilə də İranda dərin şok effekti yaradıb və İran rəsmiləri sürətli və sərt cavab verəcəklərini bildiriblər. Hadisə İran daxilində geniş qınamalara və təhlükəsizlik tədbirlərinin gücləndirilməsinə səbəb olub, bu da İranla İsrail arasında münaqişənin potensial olaraq daha da kəskinləşməsi ilə bağlı narahatlıqlar yaradır. Belə mühüm bir şəxsiyyətin, Nəsrullahın, aradan götürülməsi İranda xarici siyasət kursuna və ölkənin regional münaqişələrdə iştirakı ilə bağlı müzakirələrə səbəb olub.
Rəy yaz