Baş Prokurorluq Elina Hacıyevanın intiharı işi üzrə istintaq barədə
Bakı/18.07.19/Turan: Baş Prokurorluq 162 saylı məktəbin 8-ci sinif şagirdi Elina Hacıyevanın intiharı işi üzrə istintaq zamanı müdafiə tərəfinin vəsatətinin təmin olunmaması ilə bağlı vəkillərin müraciətinə reaksiya verib.
Baş Prokurorluğun mətbuat xidmətinin məlumatında xatırladılır ki Bakı şəhəri Səbayel rayonu 162 saylı orta məktəbin direktoru Sevinc Abbasova iş üzrə müttəhim kimi cəlb edilib.
E.Hüseynovanın hüquqi varisi (anası) Sevil Hüseynova vəkillər tərəfindən verilmiş vəsatətlərə baxılmasının nəticələri barədə məlumatlandırılıb.
Buna baxmayaraq, zərərçəkənin qohumları tərəfindən istintaqın qeyri- obyektiv aparılması ilə bağlı mətbuat konfransı keçirilib.
Prokurorluq bildirir ki, Sevil Hüseynovanın təklif etdiyi müstəqil ekspertin cəlb edilməsi barədə müdafiə tərəfinin vəsatəti təmin edilməyib.
Bu, onunla izah edilib ki, ekspert komissiyasına Səhiyyə Nazirliyinin yüksək ixtisaslı mütəxəssisləri cəlb olunub.
İş üzrə şahid qismində dindirilmiş Səbayel Rayon İcra Hakimiyyəti başçısının birinci müavini Xalidə Bayramova ilə zərər çəkmiş tərəfin hüquqi varisi Sevil Hüseynova arasında üzləşdirmənin aparılmasına dair növbəti vəsatət həmin şəxslərin ifadələri arasında ziddiyyət olmadığından təmin edilməyib.
Vəzifəli şəxslərin vəzifə funksiyalarını müəyyən edən normativ sənədlərin surətlərinin zərər çəkmiş tərəfin hüquqi varisinin nümayəndələrinə verilməsinə dair vəsatətlər cinayət prosessual qanunvericiliyin tələblərinə əsasən təmin edilməyib. Belə ki, zərər çəkmiş tərəf və ya onun hüquqi varisinin nümayəndəsi yalnız ibtidai araşdırma başa çatdığı andan iş materialları ilə tanış olmaq huququna malikdir.
Xatırladaq ki, məktəbin direktoru Sevinc Abbasova CM-in 143-cü maddəsi (həyat və sağlamlıq üçün təhlükəli vəziyyətdə olan şəxsi təhlükədə qoyma) və 314.2-ci maddə (səhlənkarlıq, zərərçəkənin ölümünə səbəb olduqda) ittiham irəli sürülüb. Onun barəsində ev dustaqlığı qətimkan tədbiri seçilib.
Müdafiə tərəfi qərardan şikayət verib və direktorun həbsə alınmasına təkid edir, belə ki, azadlıqda istintaqın gedişinə və şahidlərə təsir göstərə bilər. 06D--
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
Rəy yaz