Baş prokurorun Xədicə İsmayılovanın işi üzrə aydın olmayan açıqlamaları

Jurnalist Xədicə İsmayılovanın yerdəyişməsinin müvəqqəti olaraq məhdudlaşdırılması Baş Prokurorluqda cinayət işinin təhqiqatı ilə bağlıdır.

Baş Prokurorluğun mətbuat xidmətindən Turan-ın İsmayılovanın ölkəni tərk etməsinə qadağa qoyulmasının səbəbi haqqında sualına belə cavab veriblər.

“Onun əlavə olaraq şahid qismində dindirilməsi, habelə digər istintaq hərəkətlərində iştirakı zərurəti yaranıb. Bu səbəbdən onun ölkəni tərk etməsinə məhdudiyyət qoyulub”, deyə Baş Prokurorluğun mətbuat xidmətindən bildiriblər.

 İsmayılova özü Turan-a bildirib ki, ona əvvəlcədən hər-hansı istintaq hərəkətləri haqqında məlumat verməyiblər. Jurnalist qeyd edib ki, fevral-mart aylarında o, prokurorluqda dindirilib, lakin ondan ölkəni tərk etməmək haqqında iltizam almayıblar.

İsmayılova qeyd edib ki, onun üzərinə qarşıda duran səfərləri barədə əvvəlcədən məlumat vermək öhdəliyi qoyublar və o, prokurorluğa və öz facebook səhifəsindəki mesajlarla ictimaiyyətə məlumat verərək bunu edib.

Xatırladaq ki, fevral-mart aylarında İsmayılova facebook-da MTN-in müxalifətçilər arasından casus cəlb etməsi haqqındakı nəşri ilə əlaqədar dindiriblər. Bu material ona elektron poçt vasitəsilə göndərib və prokurorluq “dövlət sirrinin” yayılmasının mənbəyi ilə maraqlanıb.

Maraqlıdır ki, bu material əsasında keçmiş müxalifətçi Elman Türkoğlu İsmayılovanı məhkəməyə verib, baxmayaraq ki, materialda onun adı silinib, MTN isə məhkəməyə sözügedən “sənədin” saxta olduğu barədə məlumat göndərib. Belə olan halda hansı dövlət sirrinin yayılmasından söhbət getdiyi aydın deyil. -06С-