Yeni il şənliklərinin keçirilməsi ilə əlaqədar dekabrın 31-dən yanvarın 7-dək Bakıda bir çox küçə və prospektlərdə avtomobillərin hərəkəti məhdudlaşdırılacaq. Bu barədə Bakı Şəhər Dövlət Yol Polisi İdarəsinin məlumatında deyilir.
Xəbərə görə, dekabrın 31-də saat 18:00-dan Bakı-Astara yolunun 14-cü kilometrliyindən Bayıl qəsəbəsi və paytaxtın mərkəzi küçələri istiqamətində, Yusif Səfərov, Afiyəddin Cəlilov küçələrinin kəsişməsindən Cavanşir körpüsü ilə Üzeyir Hacıbəyov küçəsi, Azadlıq prospekti, Zərifə Əliyeva, Rəsul Rza küçələri və Azneft dairəsi istiqamətində, Bakı 3-cü kənar dairəvi yolun Mikayıl Müşfiq küçəsi kəsişməsindən (maşın bazarının yanından) Parlament prospekti və Badamdar qəsəbəsi istiqamətində avtomobillərin hərəkətinə məhdudiyyət qoyularaq istiqamət dəyişdiriləcək.
Dənizkənarı Milli Park boyu Neftçilər prospekti istiqamətində fasilələrlə, kəsişən ətraf küçələrdən avtomobillərin hərəkət istiqaməti dəyişdiriləcək.
Bakı Şəhər Dövlət Yol Polisi İdarəsi bayram günlərində əhaliyə şəxsi nəqliyyat vasitələrindən mümkün qədər az istifadə etməyi tövsiyə edir.-03D-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz