![Det.Al Aluminium şirkəti istehsalını 100 min tona çatdırır](https://turan.az/resized/./turan-750-500-resize.webp)
Det.Al Aluminium şirkəti istehsalını 100 min tona çatdırır
Det.Al Aluminium Complex gələln il ilkin alüminium istehsalı üzrə ikinci mərhələni başa çatdırıb istehsal gücünü ildə 100 min tona çatdıracaq. Bu ilin oktyabrında şirkət alüminium yarımfabrikat istehsalı üzrə iki zavodu istismara verib, deyə Turan-a “Det.Al Holding” MMC-nin Bakı ofisində bildiriblər.
İldə 50 min ton ilkin alüminium istehsalı üzrə I mərhələ 2011-ci ilin oktyabrında istismara verilmişdi. Xammalı (gil-torpaq) “Azəralüminium” tədarük edir. Bu gün şirkət ildə 53 min ton məhsul istehsal edir.
İsti və soyuq metal prokatı zavodları, həmçinin rəngləmə xətti 35 min ton adi alüminium rulon və təbəqə istehsal etmək və 15 min ton məhsul rəngləməyə imkan verir. Burda 0,2-0,6 mm qalınlıqda tikinti sektoru və energetika müəssisələri üçün müxtəlif rəngli məhsul istehsal edilir. Mal İtaliya, Türkiyə, Asiya ölkələrinə ixrac edilir, daxili bazarda satılır.
DETAL Aluminium Complexin təməli 3 mart 2008-ci ildə qoyulub. Holdinqdə 900 nəfər çalışıb. Orta maaş 560 manatdır.
“Det.Al Holding”də Turan-a bildiriblər ki, bu ilin martında burda gücü 750 min ton gücündə poladəritmə zavodu dəmir filizi zənginləşdirmə, pellet zavodu və reduksiya zavodundan ibarət layihənin icrasından imtina ediblər. Bu layihələrə $630 mln qoymaq planlaşdırılırdı. İmtinaya səbəb Daşkəsəndəki dağ-mədən istehsalının dövlətə qaytarılması olub. Dövlət başçısının fərmanı ilə “Azərbaycan Polad İstehsali Kompleksi” QSC yaradılıb. Ona tapşırılıb ki, Daşkəsən və Gəncədə polad istehsalı üçün bütün istehsal mərhələləri yaradılsın. 08B
İqtisadiyyat
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
-
Azərbaycan Respublikası Dövlət Neft Şirkətinin (SOCAR) Prezidenti Rövşən Nəcəf, Sloveniya Ətraf Mühit, İqlim və Energetika Naziri Bojan Kumer ilə ikitərəfli enerji sektorunda əməkdaşlığı müzakirə etmək üçün görüş keçirdi.
-
Azərbaycanın energetika naziri Pərviz Şahbazov Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə görüşərək enerji sektorunda əməkdaşlığın inkişafını müzakirə edib.
-
Azərbaycan Respublikası Dövlət Neft Fondu (ARDNF) aktivlərinin əhəmiyyətli dərəcədə artdığını və 30 iyun 2024-cü il tarixinə 58 000,6 milyon ABŞ dollarına çatdığını bildirib.
Rəy yaz