Bayramlı: müxalifətçilərin kütləvi şəkildə işdən çıxarılması haqqında məlumatlar təxribatdır
Bakı/26.04.17/Turan: Xalq Cəbhəsi Partiyasının (AXCP) sədr müavini Gözəl Bayramlı Demokratik Qüvvələrin Milli Şurasının (DQMŞ) 8 aprel mitinqində iştiraka görə 48 nəfərin işdən çıxarılması haqqında məlumatların doğruluğuna şübhə etdiyini bildirib.
Musavat.com saytının bu məlumatını Turan-a şərh edən Bayramlı deyib ki, fəallara təzyiqlər var, amma işdən azad edilmə yoxdur.
“Yalnız AXCP Şəki təşkilatından Əli Abdullayev işdən azd edilib ki, o da bu barədə öz “facebook” səhifəsində açıqlama yayıb. Bu fakt istisna olmaqla, qalan heç kəs işindən azad olunmayıb”, deyə Bayramlı bildirib.
Onun sözlərinə görə, AXCP Neftçala rayon təşkilatının sədri Əflatun Əhmədliyə də təzyiqlər olur.
Aprelin 25-də onu rayonun hüquq-mühafizə orqanlarına dəvət ediblər və Prezident Admisnitrasiyası adından partiyadan çıxmasını istəyiblər. Ə.Əhmədli isə partiyadan çıxmaqdansa işini itirməyini daha üstün tutacağını söyləyib.
Bayramlı hesab edir ki, kütləvi işdən çıxarılmalar haqqında məlumatlar xüsusi olaraq insanları qorxutmaq, kütləvi aksiyalarda iştirakdan çəkindirmək məqsədilə yayılır. -06D-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz