Qanunsuz olaraq baytarlıq aptekləri işlədən, normativ-hüquqi sənədləri qeydiyyatdan keçməyən, keyfiyyətsiz və vaxtı keçmiş baytarlıq dərmanları satanlar inzibati məsuliyyətə cəlb ediləcək.
Kənd Təsərrüfatı Nazirliyinin mətbuat xidmətinin məlumatına görə, kənd təsərrüfatı naziri cənab Heydər Əsədovun göstərişlərini əsas götürərək Baş Dövlət Baytarlıq Müfəttişi Sialə Rüstəmova dekabrın 4-də ölkədə baytarlıq təbabəti fəaliyyətini gücləndirmək məqsədi ilə əmr imzalayıb.
Əmrdə rayon (şəhər) baytarlıq idarələrinin rəislərinə xidmət etdikləri inzibati ərazilərdə dövlət orqanlarında qeydiyyatdan keçməyən, normativ-texniki sənədlərin tələblərinə cavab verməyən, mənşəyi məlum olmayan, tərkibi şübhəli, yararlıq müddəti bitmiş, saxta, keyfiyyətsiz və satışı qadağan olunan bioloji preparatların və dərman maddələrinin satışının qarşısını almaq məqsədi ilə təxirəsalınmaz tədbirlər həyata keçirmələri tapşırılır.
Əmrə görə, qanunvericiliyin pozulmasında təqsirli bilinən hüquqi və fiziki şəxslər qanunvericilikdə nəzərdə tutulmuş qaydada inzibati məsuliyyətə cəlb ediləcək, baytarlıq idarələrinin ərazilərində qanunsuz fəaliyyət göstərən baytarlıq aptekləri dayandırılacaq.
Eyni zamanda Xidmətin Aparatının Müfəttişlik sektoruna mülkiyyət formasından asılı olmayaraq ölkə ərazisində dərman maddələrinin alğı-satqısı ilə məşğul olan fiziki və hüquqi şəxslərin obyektlərində vaxtaşırı dövlət baytarlıq nəzarətini həyata keçirmələri, obyektlərdə aşkar olunan dövlət qeydiyyatından keçməyən, yararlıq müddəti bitmiş, tərkibi şübhəli, mənşəyi məlum olmayan baytarlıq preparatlarını götürülərək məhv olunmasını təmin etmələri tapşırılıb. Əmrə əməl etməyən ərazi baytarlıq idarələrinin rəisləri haqqında tədbir görüləcək.
Qeyri-rəsmi məlumatlara görə, Azərbaycanda 250-dən çox baytarlıq apteki fəaliyyət göstərir.-03B-
Cəmiyyət
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
Rəy yaz