Bazar günü Azərbaycanda havanın temperaturu müsbət 35 dərəcəyə yüksələcək

İyunun 9-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər yarımadanın bəzi yerlərində qısamüddətli  yağış yağacağı, şimşək çaxacağı ehtimalı var. Şimal-şərq küləyi gündüz cənub-şərq küləyilə əvəz olunacaq.

Havanın temperaturu gecə müsbət 20+23, gündüz müsbət 28+33 dərəcə olacaq, Azərbaycan Milli Hidrometeorologiya Xidməti bildirib.

Azərbaycanın rayonlarında bəzi yerlərdə arabir yağış yağacağı gözlənilir. Əsasən dağlıq və dağətəyi rayonlarda leysan xarakterli intensiv və güclü olacağı, şimşək çaxacağı, dolu düşəcəyi ehtimalı var. Axşam tədricən kəsiləcək. Gecə və səhər arabir duman olacaq. Mülayim şərq küləyi əsəcək.
Havanın temperaturu gecə müsbət 18+22, gündüz müsbət 30+35, dağlarda gecə müsbət 8+13, gündüz müsbət 15+20 dərəcə olacaq.