![Bazar günü ölkənin qərbində baş vermiş zəlzələ nəticəsində 3 min evə ziyan dəyib](https://turan.az/resized/media/2012/main/101700015055-750-500-resize.webp)
Bazar günü ölkənin qərbində baş vermiş zəlzələ nəticəsində 3 min evə ziyan dəyib
Bazar günü Balakən və Zaqatala rayonlarında baş vermiş zəlzələ nəticəsində 2 kənddə 15 ev dağılıb. Onların sakinləri müvəqqəti yerlərə köçürülüb. Bundan əlavə, may zəlzələsi nəticəsində 3 minə yaxın evdə əmələ gəlmiş çatlar genişlənib. Bu barədə Turan-a Zaqatala rayon İcra Hakimiyyəti başçısının müavini, rayon FHN komissiyasının rəhbəri Elman Ramazanov bildirib.
Onun sözlərinə görə, FHN nümayəndələri həmin evlərin və 6 kənddə məktəblərin vəziyyətinin qiymətləndirilməsini aparır. Danaçı və Aşağı Tala kəndlərində məktəblərdə dərslər dayanıb. E.Ramazanov qeyd edib ki, may zəlzələsində həmin məktəblərə ciddi ziyan dəyib, indiki zəlzələdən sonra tam yararsız vəziyyətə düşüblər.
Hazırda uşaqların təhsili davam etdirməsi üçün müxtəlif variantlar nəzərdən keçirilir. Mümkün variantlardan biri kimi müvəqqəti binaların təşkili üçün yığma konstruksiyaların gətirilməsi nəzərdə tutulur.
May zəlzələsinin nəticələrinə gəlincə, o zaman FHN komissiyası 3019 binanın qəzalı vəziyyətdə olduğunu bildirmişdi. Onlardan 2786-ı sökülüb. Hazırda 2494 bina tikilir. Həmçinin 21 məktəb tikilir və onların bəzisi təhvil verilib.
Qeyd edək ki, Balakən rayonunda zəlzələ nəticəsində 600-ə yaxın evə ziyan dəyib, o cümlədən 10 ev dağılıb. Həmçinin 50-dən çox sosial obyektə ziyan dəyib.
Xatırladaq ki, bir nəfər zəlzələnin qurbanı olub.
Zəlzələnin gücü 12 ballıq şkala üzrə 7 ball olub.—06B-
-
- İqtisadiyyat
- 17 Oktyabr 2012 12:00
-
- Siyasət
- 17 Oktyabr 2012 15:00
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz