![BDU-da imtahan balı aşağı salınıb](https://turan.az/resized/media/2014/main/022500070388-750-500-resize.webp)
BDU-da imtahan balı aşağı salınıb
Bu gündən Bakı Dövlət Universitetində imtahan balı digər ali məktəblərdə olduğu kimi 25-dən 17-yə endirilib. Bu barədə Turan-a BDU-dakı etibarlı mənbə bildirib.
İki il öncə BDU rəhbərliyi təhsil şərtlərini sərtləşdirmək qərarına gəlib və imtahan balını 17-dən 25-ə qaldırıb. Bu, tələbələrin narazılığına, korrupsiyanın artmasına gətirib çıxarıb. Balların aşağı salınması fevralın 20-də etiraz aksiyası keçirən tələbələrin tələblərindən biri idi.
Bundan əlavə, artıq başa çatmış qış sessiyasının da 17 bal səviyyəsi üzrə qiymətlənədirilməsi qərara alınıb ki, bu da o deməkdir ki, imtahanı verə bilməyən tələbələrin əksəriyyəti artıq onları vermiş sayılır.
Mənbə qeyd edib ki, demək olar ki, rektorluq müəllimlərdən tələbələrin qiymətlərinin aşağı salınmasını tələb edirdi.
Eyni zamanda bu gün dekanlığın işçiləri auditoriyalara daxil olaraq kimin valideynlərinin müharibə iştirakçısı və ya qaçqın olması ilə maraqlanıblar. Bunun nə üçün lazım olduğunu açıqlamasalar da görünür, həmin kateqoriyadan olan tələbələr üçün hansısa güzəştlər olacaq. -02В-
-
- Siyasət
- 25 Fevral 2014 15:24
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz